Historische Blätter 5. (1932)
Johann Zeno Goëss: Elf Briefe König Ferdinands I. an seinen Feldhauptmann Hans Katzianer
mererm frumen und deiner notdurft nach verrichten können, aber so die leuf dermassen gestellt sein, daz wir ye deiner person in Crain abwesig zu sein nit haben mugen fueglich noch on nachtail unserer und der land geraten, und dich also hineinzuziehen gehorsamlich erhebt hast, so ist uns solchs von dir zu sonderm gnedigen gefallen kumen, wellen es auch in gnaden gegn dir nit unbedacht lassen. Sovil dann antrifft dein beger, dich des ainen wesen in Hungern zu entheben, weil es dermassen gestaltet ist, daz wir uns jetzo darüber nit können entschliessen, so wellen wir doch die sach bey uns in gnedigem bedenken haben und dir hinach inndert deshalb gnedig antwort und beschaid widerfaren lassen. Der herübergefallen turggen wellen wir dir durch ander unser schreiben mit dem ersten so muglich beschaid zueschreiben. Daz alles wollten wir dir gnediger mainung nit verhalten. Geben in unser stat Ynnsbrugg den 11 Novembris anno 31, unsrer reiche des Römischen im ersten und der andern im sechsten. Ferdinand. Ad mandátum domini regis proprium: A. Adler. 11. 1531 Dezember 12, Innsbruck. Getrewer lieber. Wir haben drew deiner schreiben an uns vom 27. und 28. Novembris, darunder aines mit aigner hand geschriben ist, yetzo emphangen und vernomen und geben dir darauf erstlich von wegen der herübergefallen turggen genediglich zu erkennen, daz wir genedig- lich wellen nachgedacht sein, ob und wie inen mit einem getraid oder in ander wege derzeit bis zu merer fursehung geholfen werden möcht, dann wir gnediglich und wol bedenken, daz uns und unseren landen dennocht nit wenig an inen gelegen ist, wollten dir deshalben mit dem furder- lichisten beschaid zuschreiben. Zum andern was die brief an Ymbraim 12 und den Wascha in Wossen 13 antrifft, weih dir durch unsern fürsten, rat und lieben an- dechtigen bischoven zu Laybach zuegeschikt sein etc., wellen wir dir ge- nediger maynung nit verhalten, das wir mit denselbigen brieven der zeit, als du noch heraussen gewest, geeylt und nit gewisst haben, das du so bald hinein in Crain kumen wurdest, dann an daz heten wir dir dis- selbigen zuegeschickt und weiter damit zu handeln aufgeladen und ist 34 12 Wohl der türkische Großvezier Ibrahim Pascha. 13 Vielleicht Chosrewbeg, Statthalter von Bosnien.
