Bél Mátyás: Heves megye ismertetése 1730–1735 - A Heves Megyei Levéltár forráskiadványai 8. (Eger, 2001)

KÜLÖNÖS RÉSZ - III. szakasz A járás falvai

Membrum III. De processu comitatus hujus Tarnensi Sectio I. De situ et natura hujus processus Nomen accepit a Tarna, qui eum interfluit. Nam quemadmodum is e montibus emergit et primum in orientem, deinde meridiem inflectitur, ita processus etiam noster longe, milliaria circiter quinque, latitudine mox ampliori, mox arctiori expanditur [...ita processus etiam hicce, postquam versus Agriam nonnullas partes diffudit, reliquis ad Tarnam versis, secundo ejus alveo usque ad Jazygum terras, ex utraque rippa procurrit et hinc processum Gyöngyesiensem attingit, illinc cum Tibiscano jungitur.] Extra radices montium, per quos emanat, sylvis nusquam inumbratur, sed pura decurrit nuda planitie, hinc et illinc tantum circa rivos salicetis terrenum interpungentibus. Complectitur enim hie processus praeter Tarnam rivos Bene, Sixo et superiora Agriae usque ad vicum Ivanka terreno est laeto fertili frumentique et ex parte vini feraci, interdum exundationibus Tarnae a Zagyva repressae obnoxii, multoque frequentioribus pagis, quam prior erat, insessi. [...sed nihilominus tamen incolis est multo frequentior, quam quicumque aliis.] Sed propterea, quod exiguam vici retinent, terreni possessionem egeni et paupertate laborantis. Rei pecuariae, ex qua numos aliquos possit indipisci, studere nequit defectu terreni et pascuorum, nisi magno aere conducat vastitates circa Tibiscum, frumenti pretium nullum, incolis omnibus abundantibus sunt autem Hungari omnes religione catholici. Sed videamus jam vicos, quibus partibus consistant. 186