Az egri püspökség jövedelmeinek 1799. évi összeírása III. - Az egri egyházmegye történetének forrásai 7. (Eger, 2003)
Possessio Zsértz
Possessio Zsértz versus meta ducit ad localitatem Bánya Verem Sara, in qua localitate tres metae concurrunt, Kiss-Győriensis, Visnyóiensis et Zsértziensis. Ex hac trimeta meta ducit versus meridiem per localitates Bánya Hegy Tető transit ad latus montis Orientale Kisebb-Tölgyes-orom vocati. Huic eadem linea meridionali ultro meta visibilis terrea ducit per montes Középső-Töllgyes-orom Pazsag ad fluvium Hór, cujus fluvii defluxus usque ad localitatem Kiss-Rét meta distingvens est inter possessionem Cserép et Zsértz. Hoc fluento derelicto metalis pagina 238. ductus vertit se tantisper versus Zsilibes-Kút ad Odor Nyak, ubi via currulis est meta distingvens usque ad localitatem Pitsodor, durans tandem via pedestris vertit se versus Kút-Völlgy, quae dein ubique meta distingvens est inter Zsértz et Cserép. Ab hac localitate versus meridiem procedendo ubique vinearum Cserépiensium cinctura est meta distingvens. Cinctura hac derelicta ultro meta ducit ad Nyomó Nyak, inde per viam pedestrem in latere montis Nyomó occidentali descendendo et inter duos fontes Hiveltsik et Nádas Kút eundo meta ducit ad localitatem Határ Lápa. §•2. Quoad hanc possessionem nulla controversia metalis est, neque decurrit processus, sed pacifice possidetur per episcopatum Agriensem, tamquam jus ecclesiae Agriensis indubitatum. Objecta politica §• 1. Possessio haec cum extra viam regiam situetur, transennalis non est. pagina 239. §.2. Juxta idaeam comitatensem gleba terreni hujus pertinet ad classem secundam. Hic loci nulla est domus quarterialis. Possessio haec, seu ipse locus in colle situatum, prout et terrenum ejus in montes et colles exsurgit. Habet promonthoria et sylvas vastas. §.3. Ecclesia in possessione hac est mediocris et capiendo gremiali populo sufficiens, ex solidis materialibus exstructa, scandulis tecta. Turri que lamina alba tecta est, praedita constituitur in statu bono. Habet aram unam, campanas duas et orgánum 5 mutationum. Apparatu summe tantum necessario provisa. 134
