Az egri püspökség jövedelmeinek 1799. évi összeírása III. - Az egri egyházmegye történetének forrásai 7. (Eger, 2003)
Possessio Hejce
Possessio Hejcze Ad ingressum domus hujus in parte sinistra existit culina cum contigua camera sive dispensa, cujus pavimentum fornitum est, a tergo aedificii hujus existit duplicatus secessus, in continguitateque hujus quadruplex camerula pro includendis altilibus deserviens, ex materialis lignea erecta et Stramine tecta. In parte aedificii hujus sinistra exstat aliud aedificium aeque ex solidis materialibus erectum, scandulis tectum, in quo plateam versu domus vinaria exigua penes hanc cubiculum pagina 428. pro quarterio scribae dominalis destinatum, in continguitate autem hujus 3 stabula, quorum unum 8, duo vero 12 singillative pecora recipere possunt, nec non currule 3 curribus recipiendo idoneum existit. In parte vero hujus transversa, sub uno tarnen eodemque tecto adest cubile 1 cum atrio et culina, pro usu et habitatione dominalis hajdonis et 2 circulatorum destinatis. Huic a tergo in area tarnen frumentariali nectitur suile ex materialibus ligneis exstructum et scandulis tectum, ac pro saginatione 4 setigerorum adpromptatus. Infra totum aedificium hujus complexum existit cellarium 250 urnarum capax. E regione domus questionatae frumentarialis trans fossatum, quod per rivulum ex imbribus et aqua in valli generari solitum productum habetur, adeoque in platea communi existit fons muratus, in superficie nihilominus terrae ex materialibus ligneis exstructus et scandulis tectus, 15 orgiarum profunditatis, ad domum et quarterium frumentariale pertinens, communi tarnen incolarum etr pecorum eorum usui deserviens. 4. Domus dominalis ex solidis materialibus erecta et Stramine tecta, ex 1 cubiculo, atrio, culina, camera consistens, et per dominalem opilionem inhabitata. In parte aedificii hujus occidentali existit cellarium pro conservandis lacticiniis erectum, a tergo autem aedificii ejusdem reperitur ovile recenter ex virgultis constructum et Stramine tectum, recipiendarum 200 ovium capax. 5. Domus dominalis ex bonis et solidis materialibus erecta et Stramine tecta, ex 2 cubiculis, intermedio item atrio et culina consistens, et pro quarterio dominalis vietoris destinata. Haec aeque oeconomica aedificia praevieque descripta officialium et servitorum quarteria, priora quidem usibus dominii, posteriore vero indigentiae et characteri localium officialium et servitorum commensurata sunt. pagina 429. Aedificia III. classis In fine et latere possessionis hujus meridionali in vicinitate ecclesiae, domus parochialis et cantoris Romano-catholici, granarii item dominalis, in loco elevatiori existit castellum, per defunctum praesulem ad duas contignationes ex bonis materialibus erectum, scandulis tectum, nullo tarnen muro aut fossato circumdatum. 223
