A Győri Püspökség Körlevelei, 1916
Tartalomjegyzék
2 cum temporum adiuncta prohibuerint quominus efficeretur, Nos revocandum censemus, non ita tamen ut tractatio rerum quae de Seminariis sunt, detracta ac omnino seiuncta a Sacra Congregatione Con- sistoriali habenda sit, cum unam et alteram Congregationem aliquo nexu velimus inter se coniungi. Re igitur mature considerata, explora- tisque aliquot Cardinalium sententiis, haec apostolica auctoritate decernimus ac statuimus quae infra scripta sunt. I. De Seminariis propria iam esto Sacra Congregatio, ad formam ceterarum Romanae Curiae, ad eamque omnia pertineant quae usque adhuc de Seminariorum rebus apud Congregationem Consistoria- lem agebantur, ita ut eius posthac sit clericorum tum mentes tum animos fingere. II. Huius Sacrae Congregationis muneribus munera accedant Congregationis Studiorum; itaque haec eadem Congregatio „De Seminariis et de studiorum Universitatibus" appelletur. III. Praefectus huius Congregationis unus esto e S. R. E. Cardinalibus : cui secretarius cum idoneo administrorum numero operam navet. IV. Qui Sacrae Congregationi Praefectus dabitur, is ex officio inter S. Congregationis Consistorialis Cardinales numerabitur: qui Secretarius, inter Consultores. Vicissim autem Cardinalis Sacrae Congregationis Consistorialis Secretarius inter Cardinales novae Congregationis ex officio cooptetur, et Adsessor inter Consultores. V. Qui in praesens inter Sacrae Congregationis Studiorum Cardinales numerantur, iidem novae de Seminariis et de Studiorum Universitatibus Congregationi ipso iure adscripti censeantur. His accedet Noster in spiritualibus Generalis Vicarius, durante munere. VI. Leges pro Seminariis tum dioece- sanis tum regionalibus, a decessore Nostro sanctae memoriae latas a Nobisque approbatas, in omnes partes diligenter servari volumus et iubemus, ita ut in Seminariorum regimine, disciplina ac studiis nihil immutatum censeatur. Haec statuimus et praecipimus contrariis quibuslibet, etiam peculiari mentione dignis, non obstantibus. Datum Romae apud S. Petrum, die IV. Novembris MCMXV, in festo S. Ca- roli Borromaei de clericis Ecclesiae instituendis praeclarissime meriti, Pontificatus Nostri anno secundo, Benedictus PP. XV. Jaurini, die 3. Januarii 1916. Die 11. Novembris 1915. Ssmmus D. N. D. Benedictus div.. prov. Pp. XV. in audientia R. P. D. Ad- sessori S. Officii impertita, benigne concedere dignatus est, ut Sacerdotes omnes, qui militibus terra marive, hac perseverante belli vastitate, spiritualibus exhibendis subsidiis, assistunt, valeant Crucifixos ex metallo aliave solida materia confectos, unico signo crucis benedicere, eisque indulgentias applicare Pii Exercitii, a S. Via Crucis nuncupati, ab iis militibus, durante eodem bello, lucrandas, qui aliquem ex praedictis Crucifixis manu gerentes, quinquies Pater, Ave et Gloria devote recitaverint, ni viginti, alias praescribi solitas, eiusmodi preces recitare potuerint. Contrariis quibuscumque non obstantibus. — L. t S. — R. Card. Meny dei Val, Secretarius. f Donatus, Archiep. Ephesin., Adsessor S. 0. Jaurini, die 3. Januarii 1916. Nr. 2. Facultas ipplicand Crucifixis indulgentias viae crucis in favorem militum durante Bello.
