A Győri Püspökség Körlevelei, 1914
Tartalomjegyzék
126 constituit. Actum hunc Venerabilis Catii. Ecclesiae Capituli, insimul et susceptionem muneris mihi concrediti officiose fraternaque caritate dum communicarem, omnes et singulos R. DD. Sacerdotes enixe rogo et ex cordintimis humiliter precor, ut mei ad aram memores esse velint, officii mei arduitatibus optimo hoc medio succurrentes. In reliquo sequentes dispositiones et ordines religiose servandos propono et publicos reddo: 1. Venerabiles animarum Pastores die 28-a mensis Junii a. c., Dominica nempe IV-a post Pentecosten, ex ambone perlegendo annuntient fidelibus Litteras vale- dictorias Excellentissimi ac Reverendissimi Domini Praesulis discessi. 2. Oremus, fratres dilectissimi, Patrem misericordiarum et Deum totius consolationis, ut viduitati Dioecesos quo oevus finem imponere, nobisque de novo Pastore secundum Ejus Cor providere dignetur. Pro intentione hac complenda, — uti ex instructione et mandato meritissimi et aestimatissimi praedecessoris in hoc munere mei et alias factum esse memineritis — fideles praevie monendo, die 28-a mensis Junii a. c. Dominica IV-a post Pentecosten ante Missam parochialem sive principalem cantetur Veni Sancte Spiritus cum versiculo et oratione conveniente et ab hac die post Sacrum quotidianum ad eandem intentionem oretur cum populo Pater et Ave; denique ab hac eadem die usque ad nominationem novi Episcopi, ratione hujus nostrae necessitatis maximae, orationis imperatae instar :ab omnibus Sacerdotibus etiam regularibus, — quoties- cunque Rubricae id permittant, — sumatur in Sacro collecta: Deus qui corda fidelium, ex Missa votiva de Spiritu Sancto, omissis interim orationibus hucusque imperatis. 3. Hac occasione simul declaro: facultates cunctas et gratias quaslibet R. DD. Sacerdotibus quibuscunque concessas, sub iisdem cautelis, cum iisdem re- stictionibus et conditionibus, quibus erant et sunt annexae facultates et alligati favores, in suo vigore pleno permansuras fore. Nos autem, fratres dilectissimi, consideremus invicem in provocationem cha- ritatis et bonorum operum. (Ad Hebr. 10. 24.) Gratia Domini nostri Jesu Christi maneat nobiscum. Jaurini, die 17-a Junii a. D. 1914. Dr. Ludovicus Balics m. p. Praelatus Suae Sanctitatis, Abbas-Canonicus, Vicarius Capitularis.
