A Győri Püspökség Körlevelei, 1913
Tartalomjegyzék
50 Nr. 3375 Jubilaeum in memoriam Pacis a Constantino Magno Ecclesiae datae. Ad stationes vero: Magyarkeresztur, Szil, Bágyog, Csorna et Egyházaskesző veniam ipsis diebus Confirmationis circa horam 8 antemeridianam directe ad aedes parochiales; Divina autem facturus in Ecclesias pergens ritualiter deducar et recipiar. Sacrae functiones ubique hora 8 V« antemeridiana incipient. In stationibus Tata, Tatabánya, Kapuvár et Csorna pro commoditate fidelium auxilio erit Ilim. D. Ernestus Kutrovátz consecr. Episcopus Marcianensis, Custos et Canonicus E. C. J. Simulque declaro itinera haec occasione Confirmationis per me suscipienda pro visitationibus Ecclesiarum esse habenda, quapropter DD. Curati velint populum fidelem praevie de tenore Brevis Apostoliéi de lucrandis prima vice Ecclesiarum visitandarum indulgentiis (Cire. 1902. Nr. IV. pag. 29.) instruere. Receptio mea ritu fiet hucadusque in alma Dioecesi nostra consueto et a praescripto in Rituali haud divergenti. Si quae interim mutationes, exceptio- nesve contigerint, DD. Curati respectivi de his certiores reddentur. Jaurini, die 5-a Aprilis 1913. PIUS PP. X. Universis Christifideli- bus has Nostras litteras inspecturis salutem et Apostolicam Benedictionem. — Magni faustique eventus commemoratio, quo sedecim abhinc saeculis pax tandem Ecclesiae concessa fuit, dum omnes catholicas gentes summa afficit laetitia, eisque pietatis opera suadet, Nos movet imprimis ad caelestium munerum thesauros aperiendos, ut ex huiusmodi solemnitate lecti uberesque fructus in Domino percipiantur. Par enim atque item peroportu- num videtur, Edictum a Constantino Magno Imperatore Mediolani promulgatum concelebrare, quod prope secutum est victoriam contra Maxentium, gloriosa Crucis vexillo partam, et saevis in Christianos vexationibus finem faciens, illos in eam libertatem vindicavit, cuius pretium divini Redemptoris et Martyrum sanguis fuit. Tum demum militans Ecclesia primum ex iis triumphis egit, qui qualibet eius aetate omnignas insectationes perpetuo subsequuntur, atque ex eo die potiora semper in humani generis societatem contulit beneficia. Nam homines superstitioso idolorum cultu paulatim relicto, tum legibus, tum moribus institutisque Christianam vitae rationem magis ac magis amplexi sunt, atque ita factum est, ut iu- stitia simul et caritas in terris florerent. Consentaneum igitur esse ducimus, hac felici occasione, qua tam egregium factum recolitur, Deum, Virginem eius Genitricem et reliquos Caelites, Apostolos praesertim, etiam atque etiam adprecari, ut populi universi decus et honorem Ecclesiae instaurantes, ad tantae matris gremium confugiant, errores, quibus inconsulti fidei inimici eius claritati tenebras obducere nituntur, pro viribus depellant, Romanum Pontificem summa observantia colant, in catholica denique religione omnium rerum praesidium et columen fidenti animo intueantur. Tum Sperare licebit, homines oculis ad Crucem denuo fixis, in hoc salutari signo et Christiani nominis osores et effrae- natas cordis cupiditates omnino devicturos. Verum quo humiles preces, in catholico orbe hac saeculari solemnitate adhibendae, spirituali fidelium bono satius cumulentur, eas Plenaria Indulgentia in forma Iubilaei locupletandas censuimus, omnes Ecclesiae filios vehementer hortantes, ut Nostris suas quoque supplicationes pietatisque officia coniungant, et hac eis oblata Iubilaei
