A Győri Püspökség Körlevelei, 1913
Tartalomjegyzék
115 ficationis et Praesentationis B. M. V., S. Annae, S. Ioachim, S. Thomae Ap., S. Benedicti abbatis, S. Angéláé Mericiae, S. Vincentii a Paulo, S. Hieronymi Aemi- liani, S. Iosephi Calasanctii, S. Ruperti episcopi et S- Petri Canisii pariter propriam Sodalitii ecclesiam, si exstet in locis ubi commorantur, secus ecclesiam quamvis sive quodvis sacellum publicum, preces uti superius diximus fundentes, celebrent, quo die id peragant, de poenalium numero septem annos totidemque quadragenas in forma Ecclesiae solita expungimus. Tandem largimur fidelibus iisdem, si malint, liceat plenariis his ac partialibus indulgentiis functorum vita labes poenasque expiare. Praeterea cum sancta et salutaris cogitatio sit pro defunctis exorare ut a peccatis solvantur, defunctorum quoque sociorum solatio consulentes, apostolica Nostra auctoritate concedimus, ut quae ad quodvis cuiusque ecclesiae sive sacelli altare, Missae pro defunctis ex ipsa Sodalitate sodalibus nunc et in posterum rite celebrabuntur, animae illi pro qua celebratae fuerint, perinde suffragentur, ac si forent ad privilegiatum altare peractae. Denique sacerdotibus directoribus Sodalitatis superenunciatae, nunc et in posterum, durante munere permittimus, ut dummodo sint ad sacramentales confessiones excipiendas probati, extra Urbem, ac de respectivi Ordinarii consensu, cruces, crucifixos, sacra numismata, coronas precatorias, et parvas ex metallo D. N. 1. Christi, B. Mariae Virginis, et Sanctorum statuas in forma Ecclesiae solita, tempore sacrarum Missionum publice, aliis vero temporibus privatim benedicere, illisque indulgentias omnes adiicere queant, quae in elencho per typos edito a sacra Congregatione de Propaganda Fide enumerantur, non exclusis quod ad coronas, illis quae a S. Birgitta nominantur. Non obstantibus Nostra et Cancella- riae apostolicae regulae de non concedendis indulgentiis ad instar, aliisque Constitutionibus et Ordinationibus apostolicis, caeterisque contrariis quibuscumque. Praesentibus perpetuis futuris temporibus valituris. Volumus autem, ut praesentium litterarum transumptis seu exemplis, etiam impressis, manu alicuius notarii publici subscriptis et sigillo personae in ecclesiastica dignitate constitutae munitis, eadem prorsus fides adhibeatur, quae ipsis praesentibus adhiberetur, si forent exhibitae vel ostensae. Datum Romae apud S. Petrum sub annulo Piscatoris, die 3. Junii 1913. Pontificatus Nostri anno decimo. L. f S. R. Card. Merry Del Val, a Secretis Status. Jaurini, die 15. Julii 1913. Ad supremam hanc Congregationem sancti Officii sequentia exhibita sunt dubia pro opportuna solutione; nimirum: 1. Utrum sacerdos pollens facultate Scapularia imponendi, possit unico signo crucis pro unoquoque Scapulari benedicere publice omnia Ss. Numismata quae habent fideles in ecclesia vel in quodam conventu, quin haec Numismata videantur, nec in individuo cognoscantur ? II. Utrum benedictio impertiri possit Ss. Numismatibus pro personis iam non adscriptis Scapularibus per impositionem, sed postea vel serius adscribendis ; quae Numismata gauderent favoribus Scapularium, tempore quo personae erunt adscriptae per regularem impositionem ? Vel estne necessarium, personas iam Scapularibus adscriptas esse, antequam Ss. Numismata pro ipsis efficaciter benedici possint? III. Nr. 5886 Solvuntur dubia circa Ss. Numismata Scapularibus sufficienda.
