A Győri Püspökség Körlevelei, 1911
Tartalomjegyzék
3i V. Infrascriptus habeo honorem ad gratam notitiam Venerabilis Cleri Dioecesis Jaurinensis perferendi Excellentissimum Dominum Episcopum Nicolaum e Comitibus Széchényi de Sárvár Felsővidék cum ex apostolicae Sedis gratia Dioecesi Jaurinensi inde ab anno 1901. ut lucerna supra candelabrum posita laudabiliter praeluxisset, omnibusque omnia fieri studuisset, ut Christo omnes lucrifaceret. Deo, qui est honorum auctor et distributor de Praesule hoc nostro aliter disponente, factum est, ut cor regis apostoliéi ad dandum Ecclesiae Magno-Váradiensi tertium in annum viduatae novum Pastorem sacrorumqne Antistitem moveretur, inque Nicolaum prae- titulatum dirigeretur, imo eum a. c. 8-va Martii revera ad Sedem Magno-Váradiensem transtulit, factaque eius praeconisatione a SSmo Dno Christi Vicario 20. Aprilis anni Domini 1911. a sponsa sua Jaurinensi, cui hucusque castissimae dilectionis vinculo adhaesit, solutus est. Quapropter in ultimis circularibus litteris suis, de 25. Aprilis a. c. signatis unctione plenis populum et clerum Sacratissimo Cordi commendando, his verbis: Omnipotentem Deum etiam pro me orate — ultimum vale nobis dixit. Discessit Jaurini 21-a Aprilis hora fere 5 pomeridiana comitante eum ad viam ferream turba magna ex omni classe ei valedicentium, sed facta et opera eius aeterna memoria digna hic manent. Comitetur eum benedictio coeli et olim gloria sempiterna. Verum tamen misceamus gaudia cum fletibus. Deus enim ter optimus non reliquit nos orphanos, providit enim Ecclesiae Jaurinensi de novo sponso et quidem sine viduitatis incommodis. Sacratissima sua Majestas Rex apostolicus, Franciscus Josephus, iure patronatus supremi Episcopatum Jaurinensem contulit Illustrissimo ac Reverendissimo Domino Leopoldo Árpád Várady Canonico Cantori Csanadiensi, theologae Doctori Collegiato, Episcopo electo Sebenicoensi, Abbati B. M. V. de Czika- dor, Suae Sanctitatis Summi Pontificis Camerario ad honores, Insignis Ordinis Francisci Josephi I. Equiti mediae Crucis cum stella etc. etc. Exc. Reg. Hung. Minist. Cult, et Pubi. Institutionis Consiliario Ministeriali, Sodalitatis S. Ladislai V. Praesidi, Societatis S. Stephani Sect. Scient, et Litterariae membro etc. Viro magnorum consiliorum eruditissimo, eloquentissimo, zelo Dei pleno et quidem iam 8-a Martii a. c. quem etiam ad hanc dignitatem meritissimum et aptissimum die 22-a Aprilis a. c. Sua Sanctitas Pius papa X-us ad hanc Sedem Episcopalem Jaurinensem prae- conisavit. Qui iam acceptis Bullis papalibus iure pleno gaudet sedem suam capessendi. Sed Budapestini aliis adhuc laboribus distentus maluit suae consecrationis et inthronisationis diem in 11-am Junii reparatae salutis anno 1911 differre. Ideo curam sponsae suae Dioecesis Jaurinensis gerendam Venerabili Capitulo Jaurinensi interim Nr. 2562.
