A Győri Püspökség Körlevelei, 1911
Tartalomjegyzék
Ii6 sine cantu; et totam functionem sine cantu peragere simili modo quo fit Feria V in Coena Domini, Secundum Memoriale Rituum ? II. Licetne legere aut omittere Missam Votivam celebrandam secunda die in Oratione XL Horarum ? III. Estne necessarium Indultum, ut in Oratione XL Horarum expositio ac adoratio suspendatur horis nocturnis ? IV. Quum difficile sit habere thronum expositionis inamovibile, nisi Crux ponatur in eo; quaeritur: Utrum liceat super tabernaculum erigere inamovibile thronum, seu parvum ciborium fixum pro expositione Sanctissimi Sacramenti; an debeat erigi thronus tantummodo propter expositionem et amoveri post expositionem ? V. Num liceat thronum expositionis construere in muro paucis metris ab altari seiuncto? VI. Utrum alio throno, seu baldachino parvo, opus sit ad expositionem SSmi Sacramenti, ubi magnum baldachinum, seu ciborium invenitur ? VII. Licetne laicis tangere Ostensorium sine privilegio Apostolico, quod requiritur ad tangenda vasa sacra? VIII. Debetne Ostensorium cooperiri velo albo, quando stat in Altari ante et post expositionem Ssmi Sacramenti ? IX. Cuiusnam coloris debet esse stola presbyteri exponentis, quando benedictio Ssmi Sacramenti immediate sequitur Vesperas solemnes, nec celebrans cum pluvialis recedit a choro ? X. Utrum cuilibet celebranti, an soli Episcopo vel Praelato, liceat genu- flexo manere super pulvinari in infimo gradu altaris ? XI. An Ordinarius, in medio Sanctuario Benedictioni Ssmi Sacramenti assistens cum cappa, debeat adorare utroque genu, quando ad incensandum accedit ad altare, vel ab eo recedit? XII. An Decreta, quae prohibent quominus preces liturgicae cantentur in lingua vernacula, extendantur etiam ad Litanias, vel Pater, vel Salve Regina, quae recitantur vel legentur coram Ssmo Sacramento exposito ? Et Sacra eadem Congregatio, exquisito Commissionis Liturgicae suffragio, omnibusque accurate perpensis, ita respondendum censuit: Ad I., II. et III. Ad effectum Indulgentiarum et privilegii Altarium necessarium esse Indultum, a Sacra Congregatione S. Officii expetendum, ut derogetur formae Clementinae Instructionis. Alias Episcopus utatur iure suo, sed circa Missas Votivas serventur Rubricae et Decreta, nisi extet vel obtineatur speciale Indultum. Ad IV. Negative ad primam partem; affirmative ad secundam. Ad V. Affirmative, dummodo thronus expositionis haud nimis distet ab altari, cum quo debet quid unum efficere. Ad VI. In casu servari potest consuetudo, quae viget. Ad VII. Serventur Decreta. Ad VIII. Affirmative. Ad IX. Eiusdem coloris ac paramenta celebrantis. Ad X. Negative ad primam partem ; affirmative ad secundam.
