A Győri Püspökség Körlevelei, 1910
Tartalomjegyzék
140 Nr. 7353. Ordines circa juramentum Pianum praestandum. ad V. negative; ad VI. pro hac prima vice sufficere, ut memorati parochi subsignent iura- menti formulam iuxta indultum diei 25. Septembris elapsi; in posterum vero parochos teneri ad iuramentum praestandum coram eo a quo beneficii possessionem obtinebunt; ad VII. quoad professionem fidei, nihil innovandum; quoad iuramentum, servandam dispositionem Motus Proprii Sacrorum Antistitum. Datum Romae, ex aedibus sacrae Congregationis Consistorialis, die 25. Octobris 1910. — C. Card, de Lai, Secretarius. — L. | S. — Scipio Tecchi, Adsessor.« Jaurini, die 1. Decembris 1910. Mandato SSmi Domini Nostri PP. X. in declarationibus S. Congregationis Consistorialis de die 25. Septembris anni 1910. publicato obtemperantes, vigore praesentium disponimus ut sequitur: 1. Canonici Capituli Cathedralis Ecclesiae juramentum in Motu Proprio Sacrorum Antistitum praescriptum cum professione fidei die 28. Nov. praestiterunt coram Nobis. 2. Totus clerus saecularis Civitatis Jauriensis variis in muneribus applicatus juramentum cum professione fidei praestare tenetur coram Revdssmo Dno Ludovico Balics, Vicario Nostro Generali, quem ad jusjurandum recipiendum delegavimus. 3. Canonici Capituli Collegiati Soproniensis et totus clerus saecularis ejusdem Civitatis variis officiis fungens juramentum cum professione fidei praestare obligantur coram Revdssmo Dno Rudolpho Pader praeposito Coli. Capituli Soproniensis, hunc in finem a Nobis delegato. 4. Parochi, beneficiarii, cooperatores, catechetae atque sacerdotes saeculares jurisdictione ad sacras confessiones excipiendas provisi, a residentia Episcopali dissiti juxta indultum diei 25. Septembris elapsi subsignent juramenti formulam, quam hisce Litteris Nostris Circularibus andexam omnibus et singulis Dioecesis sacerdotibus mittimus. Hanc jurisjurandi formulam subscriptam sacerdotes supranominati ad respectivos Dominos Vicearchidiaconos usque 15* Decembris a. c, remittant, quique easdem rite collectas usque 20. Decembris Nobis horsum exhibeant. 5. Ad tramitem praescriptionis in Motu Proprio Sacrorum Antistitum contentae, omnes et singulos sacerdotes juramentum praestantes admonitos esse volumus: ad Sancti Officii tribunal illico deferendum esse eum, qui jusjurandum — quod Deus avertat — violare ausus fuerit, vel formulam subscribere renuerit. Jaurini, die 1. Decembris 1910. Nr. 7354. Examinatores prosynodales et parochi consultores. Ad tramitem Decreti S. Congregationis Consistorialis de amotione administrativa ab officio et beneficio curato die 20. Augusti an. 1910. iussu Suae Sanctitatis editi, expetito consensu Ven. Capituli Eccl. Cathedr. ad proximum quinquennium examinatores prosynodales confirmavi, respective nominavi: Rssmum Dnum Varga Joannem Canonicum Eccae Jaur. Cathedr. %
