A Győri Püspökség Körlevelei, 1908
Tartalomjegyzék
6 dispensatione necessaria ab impedimentis nefors obversantibus, postulato demum testimonio de peracta civili caeremonia, nihil ulterius requiritur ad hoc. ut parochus Koronczóensis matrimonio licite assistere possit. b) Si tantum sponsa ad parochum Koronczóensem pertinet et matrimonium in hac parochia Koronczóensi celebratur, tunc parochus neque delegatione (dimissione), neque licentia indiget ex parte parochi Gyirmóthensis cui sponsus subjicitur, sed solum procurare debet a parocho Gyirmóthensi testimonium de peractis proclamationibus et de statu libero sponsi. Detecto aliquo impedimento, dispensationem allatis causis canonicis petere debebit parochus Koronczóensis sponsae. c) Si autem dicti nupturientes (sponsa Koronczóensis et sponsus Gyirmóthensis) matrimonium in parochia Gyirmóthensi, ad quam solus sponsus pertinet, ex justa aliqua causa celebrare desiderant, tunc parochus Gyirmóthensis ad licite assistendum matrimonio eorundem requirere debet a parocho Koronczóensi documenta de peractis proclamationibus et de statu libero sponsae, instituere debet insuper examen sponsorum et petere dispensationem nefors necessariam ab impedimento canonico obversante. Quod si parochus Koronczóensis in parochia Gyirmóth vellet copulare nupturientes, indigeret delegatione parochi Gyirmóthensis ad valide assistendum. Suapte intelligitur parochum Gyirmóthensem in territorio suae parochiae alium etiam sacerdotem determinatum delegare posse ad assistendum huic matrimonio. d) Si iidem nupturientes nec in parochia sponsae — in Koronczó — nec in parochia sponsi — in Gyirmóth -— copulari cupiunt, sed in parochia, ad quam neutra pars nec ratione domicilii nec ratione menstruae commorationis pertinet, e. gr. in Tóth: tunc parochus Téthensis nulla delegatione indiget, sed requirere debet tam a parocho Koronczóensi, quam a parocho Gyirmóthensi documenta necessaria de peractis proclamationibus, de statu libero nupturientium vel de impetrata dispensatione ab impedimento canonico et insuper licentiam ad assistendum huic matrimonio a parocho sponsae vel a parocho sponsi. 6. Matrimonium etiam imminente mortis periculo coram parocho vel loci Ordinario aut sacerdote ab alterutro delegato et duobus testibus celebrandum est. Si tamen nec parochus vel loci Ordinarius, nec sacerdos ab alterutro delegatus haberi posset, matrimonium in periculo mortis valide ac licite contrahi potest coram quolibet sacerdote etiam excommunicato vel suspenso, dummodo adhibeantur praeter sacerdotem duo adhuc testes. Notandum autem est, hic sermonem esse non de extremo periculo mortis seu de articulo mortis, sed imminens etiam periculum mortis sufficere, ut matrimonium valide ac licite contrahatur coram quolibet sacerdote in defectu parochi vel loci Ordinarii. 7. Decreti caput VIII. nostras regiones certe non respicit, cum physica et moralis impossibilitas habendi parochum vel Ordinarium loci, aut sacerdotem ab eis delegatum nostras regiones profecto non afficiat. 8. Quae in cap. IX. §. 1. Decreti praescribuntur, apud nos ubique observantur. Nova tamen obligatio imponitur parochis matrimoniis assistentibus §. 2. caq. IX. Decreti. Adnotari nempe debet etiam in libro baptizatorum, virum re-
