A Győri Püspökség Körlevelei, 1906
Tartalomjegyzék
12 2. Pro aliquibus locis, quoties ibidem nundinae in aliquem abstinentiae diem incidunt. 3. Pro quibusdam personis: a) Pro omnibus diebus, excepta Feria IV. Cinerum, tribus diebus ultimis Hebdomadae Sanctae et Vigiliis Nativitatis Domini et Pentecostes dispensantur operarii in fabricis, item laici, qui in cauponis debent manducare, ubi cibi esuriales facile haberi non possunt. ßj Pro omnibus diebus, excepta Feria VI. Hebdomadae Sanctae dispensantur sic dicti Conductores in viis ferreis; itinerantes, quando in tabernis viae ferreae vel navium vapore motarum manducare debent; qui valetudinis recuperandae causa in balneis morantur cum familiaribus et suis familiis. Y) Ab obligatione abstinentiae prorsus excipiuntur, si cibos esuriales non habent, illi, qui propter nimiam paupertatem quibuscumque cibis sustentari debent; caeteri quoque quamdiu debent in familia degere, in qua cibi esuriales non apponuntur. excepta Feria VI. Hebdomadae Sanctae. V. Quovis die ieiunii et in Quadragesima etiam diebus Dominicis interdicitur usus carnis simul et piscium in eodem convivio. Nos itaque, SSmi Domini Nostri mandatis obtemperantes, facultatem concedimus omnibus Episcopis Hungariae, ut schema supra expositum ad septennium fidelibus sibi subiectis impertiri possint ac valeant. Relate vero ad usum edendi cibos vetitos in refectiuncula serotina diebus ieiunio absque abstinentia dicatis Episcopi dispensent quidem, sed non nomine S. Sedis et eo quo pollent zelo ac prudentia curent, ut memoratus usus opportunis monitis et adhortationibus, saltem pedetentim, eliminetur, sicuti alii Episcopi, eodem zelo animati, facere satagerunt. Curent insuper, ut sacerdotes utriusque Cleri et alumni Seminariorum, Communitates Religiosae atque Instituta utriusque sexus, sub mediata vel immediata eorum iuris- dictione, sese abstineant a carnibus in collatiuncula vespertina diebus ieiunio absque abstinentia dicatis. Licet insuper huiusmodi facultates ad septennium datae sint, Episcopi tamen nonnisi pro uno anno singulis vicibus dispensationem concedant, facta qualibet vice expressa mentione obtentae facultatis. Cum vero de tolerantia, ut supra agatur, tunc nulla de S. Sede mentio est facienda. Insuper Episcopi hortentur fideles, ut hanc Apostolicam Indulgentiam compensare studeant aliis piis operibus et praesertim uberioribus eleemosynis in pauperum levamen erogandis. Datum Viennae ex aedibus Nunciaturae Apostolicae, die XVII. Januarii 1906. J- J. de Belmonte m. p. Nuntius Apostolicus. L. S.« Cum igitur fundamento huius Apostolicae facultatis dispensationes in superiori schemate contentas pro anno 1906. clero ac fidelibus Dioeceseos Nostrae concedendas esse iudicemus, volumus, ut Dominica Quinquagesima curatores animarum novam ieiunii disciplinam ex sacro ambone annuncient atque peculiarem de ecclesiastico ieiunii praecepto sermonem habeant animum intendendo praesertim ad haec :
