A Győri Püspökség Körlevelei, 1904
Tartalomjegyzék
39 a. 1. quae est Vigilia Ascensionis D. N. J. Christi. Si quis attamen hac die ieiunium observare non posset, poterit aliam diem iuxta beneplacitum intra antelatum terminum eligere. 3. DD. Curati fideles suos de lucrandis indulgentiis ex ambone congrue edoceant. 4. Confessarios ad sequentia reflecto: a) SS. D. Noster Confessariis, actu adprobatis a propriis Ordinariis potestatem dare dignatus est, ut praedicta opera fine lucrandarum indulgentiarum iniuncta in alia pietatis opera commutare valeant in favorem Regularium utriusque sexus, nec non aliorum quorumcumque fidelium, qui ea praestare nequiverint, cum facultate etiam dispensandi super communione cum pueris, qui ad eamdem suscipiendam nondum fuerint admissi. b) SS. D. Noster omnibus et singulis christifidelibus tam laicis quam ecclesiasticis sive saecularibus sive regularibus cuiusvis ordinis et instituti, etiam specialiter nominandi, licentiam concedere dignatus est et facultatem, ut sibi ad hunc effectum eligere possint quemcumque presbyterum tam regularem quam saecularem, ex actu adprobatis, (qua facultate uti possint etiam moniales, novi- tiae aliaeque mulieres intra claustra degentes, dummodo • confessarius adprobatus sit pro monialibus) qui eosdem vel easdem, infra dictum temporis spatium ad confessionem apud ipsum peragendam accedentes, cum animo praesens iubilaeum assequendi, nec non reliqua opera ad illud lucrandum necessaria adimplendi, hac vice et in foro conscientiae dumtaxat, ab excommunicationis, suspensionis aliisque ecclesiasticis sententiis et censuris, a iure vel ab homine quavis de causa latis seu inflictis, etiam Ordinariis locorum et S. Sedi Apostolicae, etiam in casibus cuicumque ac Summo Pontifici et S. Sedi Apostolicae speciali licet modo reservatis, nec non ab omnibus peccatis et excessibus etiam iisdem Ordinariis ac Summo Pontifici et S. Sedi Apostolicae reservatis, iniuncta prius poenitentia salutari aliisque de iure iniungendis, et si de haeresi agatur, abiuratis antea et retractatis erroribus, prout de iure, absolvere poterit. c) Poterunt confessarii etiam vota quaecunque etiam iurata et S. Sedi Apostolicae reservata (castitatis, religionis et obligationis, quae a tertio acceptata fuerit, exceptis) in alia pia et salutaria opera commutare et cum poenitentibus eius- modi in sacris ordinibus constitutis etiam regularibus, super occulta irregularitate ad exercitium eorumdem ordinum et ad superiorum assequutionem, ob censurarum violationem dumtaxat contracta, dispensare. d) Non intendit attamen SS. D. Noster super alia quavis irregularitate sive ex delicto sive ex defectu, vel publica vel occulta aut nota aliave incapacitate aut inhabilitate quoquomodo contracta dispensare, neque etiam derogare Constitutioni cum appositis declarationibus editae a Benedicto Papa XIV., quae incipit »Sacramentum poenitentiae«. e) Declarat SS. D. N. Litteras encyclicas iis, qui a Summo Pontifice et S. Sede Apostolica vel ab aliquo Praelato seu Judice ecclesiastico nominatim excommunicati, suspensi, interdicti seu alias in sententias et censuras incidisse
