A Győri Püspökség Körlevelei, 1903
Tartalomjegyzék
22 adhuc impedirent, pro majori, erga fideles in ore haereticorum depentium, vigilantia, visum est parochiam per semet jam exspirationi proximam penitus supprimere et parochiae matris vicini Beled affiliare. Ecclesia ipsa tunc aliquantisper restaurata, aris provisa et loco, per turbulentia ac funestissima tempora oblivioni dati vetustissimi ac celeberrimi tituli, in honorem S. Stephani Protomartyris reconciliata et usui sacro tradita fuit. Hostibus externis profligatis, sedatisque turbis intestinis, alma pace ecclesiae reddita, misericors et miserator Dominus de alto prospexit, ac non solum gentem possessionis Keczöl multiplicavit, sed et laetitiam in eo quam maxime auxit, ut degeneres filios ad suam, unam sanctam, catholicam et apostolicam ecclesiam, abiu- rata per illos haeresi, reduxit. Temporibus succedentibus filia Keczöl Dei aspirante et adjuvante gratia ita adolevit, ut aetate nostra tantopere esset dotibus exstructa a sacris canonibus requisitis, quod matris nomine et dignitate resplendere jure meritoque cuperet. Quare congratulantes in Domino Nobis et fidelibus nostris carissimis de tam felici, adepto per misericordiam Dei successu, habito cum Venerabilibus Fratribus, Ecclesiae videlicet Nostrae Cathedralis Jaurinensis Capituli consilio et accedente ejusdem Ven. Capituli prout juris est, consensu, auditisque omnibus, qui rei hujus eximiae interessé habere possunt, institutoque tractatu felici cum Celsissimo Principe Domino Nicolao ab Esterház tamquam Domino terrestri possessionis Keczöl, itidem cum Dominis Excellentissimo Bela e Comitibus Cziráky et Egregio Domino nobili Bela Barthodeiszky tamquam patronis ecclesiae matris Beled, et insimul per exmis- sos Nostros ad opus hoc saluberrimum specialiter deputatos in facie locorum cum fidelibus nostris in Beled et in Keczöl; invocato D. N. Jesu Christi sanctissimo nomine, ejusque Matris semper Virginis Mariae, ecclesiam in possessione Keczöl sub invocatione Sanctissimi Rosarii, auctoritate nostra ordinaria tenore praesentium in Parochialem erigimus, resuscitamus et reinstauramus, erectam, resuscitatam. reinstau- ratam volumus et declaramus, in eaque Sanctissimum Eucharistiae Sacramentum ad altare majus, fontem baptismalem, olea sacra, et alia, quae ad ecclesiam parochialem pertinent retineri et custodiri mandamus. Ecclesiae praefatae sic in parochialem erectae jura omnia et privilegia, quae parochialibus de jure ordinario competunt, concedimus et illis gaudere debere decernimus, cum assignationibus et proventibus a praefatis parochianis hucusque Parocho suo secundum visitationem Canonicam solutis, et proventibus jam per Nos designatis et specificatis ac in alio Nostro decreto tempore introitus novi parochi publicandis, eleemosynis, et oblationibus universis a sacris canonibus concessis et permissis. Unasimul ecclesiam hanc jam parochialem juri patronatus Celsissimi Principis Domini Nicolai ab Esterház et successorum ejus subjectam esse volumus et declaramus, quippe qui idem Princeps ad nostram specialem requisitionem humanissimam, vestigiis stirpis suae antiquissimae et praeclarissimae antenatorum in patriam et ecclesiam meritissimorum inhaerendo, patronatum, quo familia ejusdem Principis inclyta pristinis temporibus jam dudum fruebatur, talis noviter erecti parochiae ad Nos datis suis litteris lubenter acceptavit.
