A Győri Püspökség Körlevelei, 1900
Tartalomjegyzék
4 1. In Sabbatis infra annum, jejunio non consecratis, carnibus vesci liberum est. 2. Omnibus diebus tam abstinentiae quam jejuniorum per annum cibos esuriales, etiam in refectione serotina, quocunque salubri adipe condire licet. Excipitur solum feria VI. in Parasceve, in qua abstinentia juxta antiquam disciplinam servanda manet. 3. In Dominicis Quadragesimae, quum non sint jejuniales, carnes licite manducari quidem possunt, vetita tamen manet promiscuitas carnium et piscium. 4. Tempore Quadragesimae in feriis II. HI. et V., usque feriam III. Majoris Hebdomadae inclusive, conceditur usus carnium in unica solum refectione, minime vero in collatione serotina, vetita pariter promiscuitate carnium et piscium. 5. Feriis VI. per annum non jejunialibus, feriis qua tuor temporum, feriis IV. VI. et Sabbatis Quadragesimae, feria V. in Coefia Domini, feriis IV. et VI. Adventus, in Vigiliis Pentecostes, SS. Apostolorum Petri et Pauli, Assumtionis B. M. V. , Omnium Sanctorum et Nativitatis Domini carnibus vesci vetitum est. 6. Diebus festis fori, si in dies jejunii vel abstinentiae inciderint, conceditur usus carnium, sed in unica tantum comestione. 7. Iter agentes, donec peregrinantur et coguntur adire diversoria, in quibus cibi esuriales obtineri facile nequeunt; occasione nundinarum negotiatores mercaturae exercendae causa illuc advenientes, aliique ibi simili ex causa confluentes; porro qui mensam propriam non habent et toto anno cibum sumunt in diversoriis; tabernarii denique seu caupones, dum cibos copiosioribus hospitibus paratos habent, eorumque familiae et famuli dispensatos se censere possunt in lege abstinentiae etiam diebus jejunialibus, exceptis tamen postremis tribus Majoris Hebdomadae diebus et vigilia Nativitatis Domini. 8. Servi et ancillae, ac recipientes aliqua dependentiae ratione victum penes tales familias, quae legi abstinentiae non parent, vesci possunt cibis sibi appositis, etiam in diebus jejunialibus, dummodo absit comtemptus religionis; studeant tamen, ut saltem feria VI. Majoris Hebdomadae abstinentiam observent. Moneantur tamen Christifideles dispensationibus sic concessis utentes, u; hanc apostolicam indulgentiam compensare studeant aliis piis operibus ac praesertim eleemosynis in pauperum levamen erogandis. Dispensationis hujus Apostolicae tenores et tramites velint DD. Curati fidelibus suis, proxima occasione, ex ambone publicare et studiose ad amussim explicare, eosque instanter hortari, ut semet intra limites apostoliéi indultus, si eo uti velint, conscientiose contineant, ac praesertim ut diebus jejunialibus ad esum carnium dispensatis in collatiuncula serotina strictam omnino abstinentiam sollicite servent. Pauperes et indigentes in hac re judicio confessariorum semet committant. Dispensationes denique istae sic concessae intelligantur, ut ipsius jejunii lex et observantia plane intacta remaneat, porro Familiarum Regularium propria hac in parte disciplina nullatenus immutata censeatur. Jaurini, die 17-a Januarii T900.
