A Győri Püspökség Körlevelei, 1899
Tartalomjegyzék
1. Praedicatio verbi divini, s. Missiones pro populo, pia exercitia pro Clero, oblatio Sacrificii eucharistici. 2. Precationes communes et adoratio Sanctissimi, fontis omnium gratiarum et bonorum. 3. Piae peregrinationes ad locum quendam gratiosum, utique accommodate circumstantiis populi fidelis et locorum, ut eo major sit participantium numerus. 4. Frequentia Sacramentorum poenitentiae et Eucharistiae, viae crucis ad pie recolendam amarissimae passionis D. N Jesu Christi memoriam pro horrenda crucis morte ad redimendos nos peccatores sponte suscepta. 5. Pia opera singularia in bonum Matris Ecclesiae, pro pauperibus, pro animabus in purgatorio detentis oblata. Huc praeprimis pertinet „obolus S. Petri“, quo Beatissimus Pater in his temporum angustiis adeo indiget, ut, sicuti in quibusdam literis pastoralibus legitur, ipse in persona episcopos Romae praesentes ad talem uberius colligendum provocaverit. Jesus misericors minimae quoque oblationi benedicet. Vidua pauper quadrantem misit in gazophylacium et meruit laudari a Jesu plus caeteris, qui plura miserunt. »Date, et dabitur vobis« etc. (Matth. 6, 38.) Hae sunt nonnullae solum lineae illorum operum piorum, quae a nobis sacerdotibus et populo fideli decursu praefati temporis spatii in honorem SS. Redem- toris, in bonum Ecclesiae universalis et emolumentum nostrum praestari petuntur. Meditemini V. Fratres super his et conferte consilia vestra in Coronis vernalibus, et si insuper quidquam addendum et populo vestro fideli magis proficuum et locorum circumstantiis accommodatius judicaveritis: notate in protocollo Coronae, ut desideria nefors specialia e tota Dioecesi ad notitiam Excellentissimi Praesulis perveniant, et ex his — in quantum licet — unitas actionis confletur. Finio verbis paternae monitionis Excell. Praesulis: »Non dubito, quin tam Commissionis dioecesanae membra, tam ad evocationem hujus et caeteri mei sacerdotes omni studio eo adlaboraturi sint, ut in tanta sanctae exultationis Ecclesiae universalis manifestatione Dioecesis quoque Jaurinensis digne participet.« Jaurini, die 6-a Martii 1899. Ernestus Kutrovatz, Dioecesanae Commissionis praeses.
