A Győri Püspökség Körlevelei, 1897
Tartalomjegyzék
4i \ igore Brevis Apostoliéi sub 4-a c. m. Maji exarati facultas mihi concessa est, in quibuslibet ecclesiis parochialibus Dioecesis meae unum Altare ceu privile- giatum ad proximum septennium declarandi. Velint itaque DD. Curati, qui tale Altare privilegiatum habere desiderant, vel ubi prior concessio ad tempus data exspiravit, eatenus cum designatione ipsius Altaris privilegio decorandi ad me recurrere. Jaurini, die 21-a Maji 1897. SS. Caes. et Regia Apostolica Majestas vigore altissimae sub 8-a Aprilis a. c. emanatae resolutionis in Capitulo Collegiatae Ecclesiae Soproniensis, promotione graduali Rmi I). Josephi Kloiber Canonici ad vacans stallum Custodis ratihabita, ad tali modo Regiae collationi obnoxium redditum ultimum stallum Canonici Rmum 1). Fr ancise um Domnanovich, C. E. J. Canonicum honorarium, Districtus Kisboldogasszonyensis Vice-Archi-Diaconum et parochum Kisboldogasszony- ensem clementissime nominare dignata est. Jaurini, die 21-a Maji 1897. Josephus Mayrhofer, Suae Sanctitatis Summi Pontificis Praelatus Domesticus, Cathedr. Eccl. Jaurin. Praepositus Major et Canonicus, Praepositus S. Joannis Bapt. de Hunfalva, S. Sedis Cons. Assessor, Sacerdos jubilaris, Nestor Dioecesis, grandaeva senectute viribus exhaustus, Sacramentis moribundorum pie susceptis, in Domino obiit die 12-a curr. m. Maji, anno aetatis suae 87-0, sacerdotii 62-0. Per longam annorum seriem in Lyceo Eppali professor multos Dioecesis Sacerdotes in sacris scientiis erudivit, eorumque aestimationem et gratitudinem condignam promeruit. In muneribus ei incumbentibus semper solers fuit, laboremque nec in magna senectute recusavit, in ornandas et instruendas aedes sacras notabiles sumtus contulit, pauperibusque beneficum se libenter exhibuit. Oremus solita pia ad aram suffragia persolventes, ut misericors Deus animae defuncti, quem in hac vita longitudine dierum replevit, in aeternitate salutare suum ostendere dignetur. Jaurini, die 21-a Maji 1897. Edmundus Kudora, cooperator Császárensis, gravi infirmitate brevi confectus susceptis pie moribundorum Sacramentis in Domino obiit die 11-a curr. m. Maji anno aetatis suae 23-0, sacerdotii autem mense 8-0. Animam praemature e vivis erepti juvenis sacerdotis, ut miseratione divina in consortium beatorum recipi mereatur, praescriptis ad aram suffragiis commendo. Jaurini, die 21-a Maji 1897. Pro beneficio parochiali in Kisboldogasszony per promotionem D. parochi Erancisci Domnanovich ad Canonicatum Soproniensem in vacantiam veniente praesentibus concursum publicum usque 15-am proximi mensis Junii duraturum indicendo, competere cupientes requisita habilitate praeditos eo invio, ut recursus suos Celsissimo Principi Paulo Esterházy de Galántha ceu Patrono inscribendos eousque horsum exhibeant. Jaurini, die 21-a Maji 1897. Nr. 971. Altaria privilegiata designandi facultas. Nr. 972. Promotio gradualis et nominatio novi Canonici in Capitulo Soproniensi. Nr. 973. Obitus Josephi Mayrhofer Praepositi Maj. C. E. J. Nr. 974. Obitus Edmundi Kudora cooperatoris. Nr. 975. Concursus pro beneficio parochiali in Kisboldogasszony.
