A Győri Püspökség Körlevelei, 1892
Tartalomjegyzék
6 Nr. 523. Obitus Martini Steiner Abbatis, C. E. J. Canonici. Martinus Steiner, Abbas B. M. Y. de Egres, C. E. J. Canonicus et Archi- Diaconus Papensis, S. Sedis Cons. Assessor, Examinator Prosynodalis, ad cath. Prae- parandiam vir. Jaurinensem Commissarius Eppalis, Ins. Ordinis Francisci Josephi Eques, post brevem cum plena in voluntatem divinam resignatione toleratam gravem infirmitatem, susceptis pie moribundorum Sacramentis, placide in Domino obdormivit die 2i-a elapsi mensis Januarii, anno aetatis 64-0, sacerdotii 41-0. Fuit sacerdos ob insignem cordis culturam, laborum patientiam, in explendis varii generis munerum partibus solertiam et dexteritatem, pietatem item et beneficentiam ab omnibus aestimatus, plurimisque charus. In Magyar-Ovár praecipue, ubi munus parochi 32 annos cum laude gesserat, multis praeclare factis et institutis perennem sui et gratam memoriam reliquit. Oremus misericordiarum Patrem, consueta ad aram suffragia persolventes, ut animae pie denati in pacis ac lucis regione fidelis servi praemia largiri dignetur. Jaurini, die 10-a Februarii 1892. Nr. 524. Obitus Stephani Horváth Canonici hon. Stephanus Horváth, C. E. J. Canonicus Honorarius, em. parochus Nagy- barátensis, Ins. Ordinis Francisci Josephi Eques, sacerdos jubilaris, post longam acerbis doloribus exemplari cum patientia toleratis conjunctam infirmitatem, Sacramentis moribundorum refectus in Gyarmath, ubi quietem egit, pie, ut vixit, in Domino obiit die 3-a curr. mensis Februarii, anno aetatis 80-0, sacerdotii 57-0. Vitae ejus probitatem, gravitatem sacerdotalem, insignem modestiam et cordis bonitatem amor et affectus fidelium ejus parochialium, quibus 42 annis bonus pastor et pater exstitit, communis item omnium, qui eum noverant, condigna prosequebatur veneratio. Oremus consueta ad aram suffragia persolventes, ut anima ejus in aeternitate justorum corona decorari mereatur. Jaurini, die 10-a Februarii 1892. Nr. 525. Examinum prosynoda- lium terminus Examina prosynodalia currente hoc anno et quidem vernalia diebus 17-a et 18-a Maji, autumnalia vero diebus 20-a et 21-a Septembris Jaurini in Curia Eppali asservabuntur. Oui in alterutro eorum semet tentamini subjicere intendunt, hanc suam intentionem tempestive Cancellariae Dioecesanae significare non omittant. Jaurini, die io-a Februarii 1892. Nr. 526. Examinis ju- risdictionalis terminus. Terminum examinis jurisdictionalis ab iis Presbyteris subeundi, quibus jurisdictio pro sede confessionali ad tempus restricta concessa est, praesentibus in diem 5-am Julii a. c. defigendo, concernentes examinandos eo invio, ut die praecedenti semet D. Vicario Generali praesentent. Jaurini, die 10-a Februarii 1892.
