A Győri Püspökség Körlevelei, 1890
Tartalomjegyzék
CIRCULARES DIOECESANAE. i. VENERABILES FRATRES ET FILII IN CHRISTO DILECTISSIMI! Inter dies, quos Ecclesia recolendis sacratissimis mysteriis Nativitatis et Infantiae Domini Nostri Jesu Christi dedicavit, illuxit nobis etiam ille, qui primus est in diebus anni, quem faustum felicemque mutuo sibi gratulantur et augurant homines, votisque suis, ut subsequentes etiam pares illi sint, comprecantur. Mei quoque, quem divina dignatio et misericordia Episcopum posuit regere Metropolitanam hanc Ecclesiam, eorum multos, imo plurimos, qui pastorali meae curae crediti sunt, in capite anni, memores fuisse, e directis ad me gratulationum litteris, votorum simul, pro incolumitate mea expressorum interpretibus didici, pro quibus siquidem aliter non possim, mole agendorum non tam pressus quam potius oppressus, hac via et praesentibus grates rependo plurimas, atque ut omnium bonorum pignus benedictionem divinam decursu renascentis anni in omnibus suis caeptis, conaminibus ac laboribus experiantur, toto cordis affectu precor. Simus fide pleni, spe robusti, charitate succensi. Prospera non nos extollant, adversa non deiiciant. Confortati potius in Domino Jesu, et in potentia virtutis eius agamus viriliter, operemur bonum, dum tempus habemus: omne nostrum velle a Christo Jesu dependeat, et in ipso permaneat semper. Quatenus idem cum divino nostro Redemptore sapientes, et volentes, unus spiritus cum Ipso et in Ipso permaneamus: et per Ipsum aeternae liaereditatis participes efficiamur. Qui cum Patre et Spiritu Sancto vivit et regnat super omnia, Deus: per omnia saecula saeculorum. Arnen. Nr. 368. Archi-Episco- pus pro votis in exordio renascentis anni sibi nuncupatis gratias agit. Strigonii 1-a Januarii 1890. Cum Doctor gentium, qui de se ipso dixit:1 „Vae mihi, si non evangeliza- vero“, et quo nemo gravioribus verbis de obligatione ministrorum Ecclesiae praedicandi verbum Dei locutus est, Timotheum, et in illo omnes, quibus praedicatoris munus incumbit, monuerit:2 „Sollicite cura teipsum probabilem exhibere Deo, operarium inconfusibilem, recte tractantem, verbum veritatis, profana autem et vaniloquia devita: multum enim proficiunt ad impietatem,“ seu quod idem est: inanem et clamosam loNr. 369. Concionatores in praedicando verbum Dei zelo amaro et impetuoso non utantur. 1 1. Cor. 9, 16. 8 2. Timoth. 2. 15. et s-
