A Győri Püspökség Körlevelei, 1887
Tartalomjegyzék
9 DECRETUM Neapolitana Beatificationis et Canonizationis Yen. Servi Tei Fr. Aegidii Mariae a S. Iosepho, Laici professi Ordinis Minorum Excalceatorum strictioris observantiae s. Petri de Alcantara Provinciae Lyciensis. Nr. 744. E Sacra Rituum Congregatione. SUPER DUBIO An stante approbatione virtutum et duorum miraculorum, tuto procedi possit ad solemnem Ven. Servi Dei beatificationem ? Non aliqua mundana nobilitate excelluit Venerabilis Aegidius Maria Al- cantarensis familiae laicus, sed simplicitate morum, cordis munditia, sui abnegatione, orationis et poenitentiae spiritu, miti ac suavi caritate, qua proximos complexus est, ut eos Christo lucrifaceret. Nec in vita tantum, sed etiam post felicem obitum supernis donis et prodigiorum fulgore eum Dominus clarificavit, quibus merito de illo videtur impletum oraculum: nimis honorati sunt amici tui Deus. De venerabilis Servi Dei virtutibus actum est in Sacrorum Rituum Congregatione, easque heroicas extitisse decrevit sa. me. Summus Pontifex Pius IX sexto kalendas Martias an. MDCCCLXVIII. Binas autem propositas a morbis sanationes ad invocationem Yen. Servi Dei impetratas, Sanctissimus Dominus Noster Leo Papa XIII. inter miracula accensuit decreto nuper lato, nono kalendas Martii vertentis anni MDCCCLXXXVI. Iam itaque ad publici cultus honores Yen. Dei famulo decernendos illud iuxta canonicas sanctiones reliquum erat, ut disquireretur: An stante virtutum et duorum miraculorum approbatione, tuto procedi possit ad ven. Servi beatificationem ? In plenario igitur Sacrae Congregationis Conventu coram Sanctissimo Domino Nostro Leone Papa XIII habito in Aedibus vaticanis, octavo kalendas Iunii currentis anni, reverendissimus Cardinalis Angelus Bianchi Causae relator enunciatum dubium proposuit, cui omnes Rmi Cardinales et Patres Consultores affirmativum responsum dederunt. Supremum vero iudicium Beatissimus Pater ferre protraxit, ad divinum lumen in re tam gravi interim implorandum. Hac vero die Dominicae ultimae post Pentecosten, hoc anno Praesentationi semper Virginis Mariae sacra, post divini Sacrificii piissimam oblationem, in Vaticani Palatii aula nobiliori, adstantibus reverendissimis Cardinalibus Dominico BarII.
