A Győri Püspökség Körlevelei, 1884
Tartalomjegyzék
98 Nr. 3203. Uniones cath. sodalium opificum arctius inter se connectendae. Nr. 3204. Mutationes in Clero. Miről van szerencsém az egyházi főhatóságot a szokásos köröztetés szives eszközlése végett tisztelettel értesíteni. Budapesten, 1884. évi október hó 14-én. A minister meghagyásából: Buzogány Áron, osztálytanácsos. Jaurini, die 12-a Novembris 1884. Nemo ignorat ex Unionibus catholicis sodalium opificum, si illae in spiritu recto diriguntur, plurimam utilitatem tum in sodales, tum etiam in ipsam humanam societatem redundare. „Coetus hujusmodi — ajunt Patres Concilii Prov. Strigon. a. 1858. — jam vel ideo probare oportet, quod prona ad mundi voluptates aetas, libero a laboribus tempore, salubriter occupetur, et opportuna disciplina a vitiis avocetur. Juvenes cura parentali destituti, in veritatibus fidei et morum erudiuntur, ac mutuis exemplis ad aemulanda meliora charismata excitantur. (Tit. VIII. 5.)“ Congregationes istarum Unionum novissimis temporibus habitae valde proficuum imo necessarium esse agnoverunt eo adlaborare, ut inter Uniones arctior nexus foveatur ad fines Unionum salutares collatis invicem consiliis ac mutua in cointelligentia efficacius ac securius promovendos. Hunc in finem petitum est, ut in singulis Dioecesibus constituatur Praeses Dioecesanus, cujus sit cum Praesidibus Unionum in Dioecesi existentium ex una, et cum Praeside Centrali Unionis Pestinensis ex altera parte continuam quoad res Unionum fovere connexionem. Huic petito deferendo Praesidem Dioecesanum Unionum cath. sodalium opificum in Dioecesi mea existentium nominavi D. Antonium Buschek, parochum Győrszigethensem, alias Unionis Jaurinensis Praesidem. Agant in Domino singuli seorsim et in communi, ut sacrae ac salutari intentioni pii fundatoris conformiter bonum sodalium in Uniones coadunatorum tam spirituale, quam temporale quo felicius promoveatur. Jaurini, die 12-a Novembris 1884. D. Joannes Limpp, parochiae Németkereszturensis administrator in spiritualibus et temporalibus, obtinuit beneficium parochiale in Riczing. D. Martin us Hérics, cooperator Ácsensis, constitutus est administrator interimalis parochiae Bokod. I). Carolo Nogáll, cooperatori Németkereszturensi, hujusce parochiae administratio in spiritualibus et temporalibus concredita est. D. Sigismundus Kovács, administrator interimalis parochiae Ri- czing, ad praehabitam stationem cooperatoris in Loók remissus est. D. M a r t i n u s Horváth, cooperator interimalis in Loók, nominatus est cooperator in Németkeresztur. Jaurini, die 12-a Novembris 1884.
