A Győri Püspökség Körlevelei, 1881
Tartalomjegyzék
14 Nr. 785. Formula Benedictionis Organi. Cum Organa sint pro usu sacro in domo Dei, benedici possunt, atque ut nova benedicantur, etiam convenit, et quidem juxta subnexum formular, quod siquidem in appendice benedictionum Ritualis Romani recentioris editionis contineatur, pro approbato censeri potest. Benedictio Instrumentorum Organi in Ecclesia. il. Adjutorium nostrum in nomine Domini. R. Qui fecit coelum et terram. PsalmiLs 150. Laudate Dominum in sanctis ejus : * laudate eum in firmamento virtutis ejus. Laudate eum in virtutibus ejus : * laudate eum secundum multitudinem magnitudinis ejus. Laudate eum in sono tubae : * laudate eum in psalterio, et cithara. Laudate eum in tympano, et choro : * laudate eum in chordis, et organo. Laudate eum in cymbalis bene sonantibus : laudate eum in cymbalis jubilationis : * omnis spiritus laudet Dominum. Gloria Patri, et Filio. VT. Laudate Dominum in tympano et choro. R. Laudate eum in chordis et organo. V". Dominus vobiscum. R. Et cum spiritu tuo. OREMUS. Deus, qui per Moysen famulum tuum tubas ad canendum super sacrificiis nomini tuo offerendis facere praecepisti, quique per filios Israel in tubis et cymbalis laudem tui nominis decantari voluisti : bene -f- dic quaesumus hoc instrumentum organi cultui tuo dedicatum, et praesta, ut fideles tui in canticis spiritualibus jubilantes in terris, ad gaudia aeterna pervenire mereantur in coelis. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti Deus, per omnia saecula saeculorum. R. Arnen. Jaurini, die 28. Februarii 1881. Joannes m. p., Episcopus.
