A Győri Püspökség Körlevelei, 1879
Tartalomjegyzék
/ 29 IfcTx. T7". Bene norunt DD. animarum Curatores in universa, qua late patet, Monarchia Austriaco-Hungarica id nunc agi, ut vigesimum quintum anniversarium felicium nuptiarum Augustissimi Imperatoris et Degis Apostoliéi, Domini nostri clementis- simi, die 24. proxime affuturi mensis Aprilis solennius celebretur. Fideles incolae totius Monarchiae die illa grato animo recolent omnia beneficia, quibus Deus Augustissimum Dominum nostrum et per hunc cunctos subditos cumulavit, sed una piis etiam precibus Eum exorabunt, ut sublimem hunc terrae Principem ejusque Serenissimam consortem, Augustissimam Imperatricem et Reginam, incolumes conservare, omnigenae prosperitatis largitate, populorum amore, in pace et bello gloria et honore augere beatumve facere dignetur. Opportuna hac suae in Inclytum Monarcham pietatis, devotionis, et intimae venerationis sensa manifestandi occasione cuncti laetissimo animo uti properabunt. Fideli exui tan tium et Deum laudantium turbae pari alacritate nec minori religione jungi gestit etiam Alma Jaurinensis Dioecesis. Quo omnia debito ordine ct uniformi modo peragantur, DI), animarum Curatoribus sequentia intimanda duxi: 1. Feria JI. Paschatis perlegantur Litterae meae Pastorales de hoc memoriali festo editae, et cum hoc Circularium numero in Dioecesim dimissae. 2. Die 23. Aprilis, die quippe solennitatem praecedente, post Salutationem Angelicam vespertinam, interjecta modica mora, concentu omnium Campanarum per horae quadrantem annuncietur festivitas insequentis diei. 3. Ipsa die celebretur Sacrum Solemne cum „Te Deum.“ Caetera ingenioso singulorum amori relinquo. Deus exaudiat preces nostras ! Jaurini, die 19. Martii, ipso festo S. Josephi, a. 1879. R. H. Officium rei statisticae in nexu suarum ddto 24, Februarii a. curr. sub Nr. 58. editarum litterarum transposuit ad me tabellas pro exhibendis motuum popularium anni 1878. datis destinatas; quas hisce adnexas ea addita inviatione in requisito exemplarium numero ad singulas parochias dimitto, ut DD. Curati eas complere , completas vero et sui nominis subscriptione munitas usque finem mensis Aprilis curr. a. ad concernentem jurisdictionem politicam promovere velint. E praecitatis antelati Officii litteris ea, quae ad modum complendarum tabellarum referuntur, pro congrua Dnorum Parochorum directione isthic communicanda duxi. Nr. 777. Anniversarium vigesimum quintum nuptiarum Augg. Imperatoris et Regis solennius celebrandum. Nr. 778. Tabellae motuum popularium dimittuntur. 7
