A Győri Püspökség Körlevelei, 1879
Tartalomjegyzék
V 103 IfcTr. 3Γ^7Χ. Decretum S. Congregationis Indulgentiarum et SS. Reliquiarum de concessis per SS. D. N.Leonem Papam XIII. pro instante festo et per Octavam Immaculatae Conceptionis B. Μ. V. indulgentiis plenariis cum eo isthic publico, ut DD. animarum Curatores tenores ejus fideli populo praevie annunciare, conditiones lucrandarum indulgentiarum exponere ac fideles ad hauriendum ex aperto Ecclesiae thesauro in Domino invitare velint. Tenor vero Decreti est sequens: „Quintus et vicesimus advenit annus, ex quo Immaculati Beatae Mariae Virginis Conceptus dogma universum Christianum orbem incredibili affecit laetitia; hinc mirum non est, si Christifidelium mentes incesserit studium solemniori eumdem diem cultu celebrare. Praeterea plures Sacrorum Antistites, quo hoc Christianae laetitiae signum populis sibi commissis benevertat, Leoni XIII. Pontifici Maximo supplices admoverunt preces, ut tantae faustitatis memoriam sacris Indulgentiarum muneribus ornaret. Has itaque preces, referente me infrascripto Secretario Sacrae Congregationis Indulgentiis Sacrisque Reliquiis praepositae, in Audientia diei 20-ae Septembris 1879. Idem Sanctissimus Dominus Noster benigne excipiens, universis utriusque sexus Christifidelibus, qui in proximo Deiparae sine labe Conceptae festo, vel uno ex diebus infra Octavam vere poenitentes confessi ac sacra Eucharistia refecti fuerint, atque ecclesiam vel publicum oratorium devote visitaverint, ibique juxta mentem Sanctitatis Suae pie oraverint, Indulgentiam plenariam, semel in dicto dierum spatio lucrandam, et animabus quoque Defunctorum in modum suffragii applicabilem, clementer est impertitus. Praesenti valituro absque ulla Brevis expeditione. Contrariis quibuscumque non obstantibus. Datum Romae ex Secretaria Sacrae Congregationis Indulgentiis Sacrisque Reliquiis praepositae, die 20-a Septembris, 1879. Al. Card. OREGLIA a S. STEPHANO Praef. A. Panici Secretarius.“ Jaurini, die 6. Novembris 1879. Dr. Carolus Zafféry Dioecesis Szatmáriensis Presbyter ac philosophiae professor celeberrimum opus Alberti Stöckl, quod inscribitur: „Lehrbuch der Philosophie“, in idioma hungaricum transferre et versionem hanc is fasciculis, quorum singulorum pretium in 60 xris defixit, publici juris facere decrevit. Quodipsum Ven. Clero Nr. 2636. Decretum S. Congregationis Indulgentiis Sacrisque Keliquiis praepositae publicatur. Nr. 2637. Opus litterarium annunciatur.
