A Győri Püspökség Körlevelei, 1877
Tartalomjegyzék
13 praehonorati Ministerii in eo ad me directae provocationi, ut causam bibliothecarum harum attentioni Ven. Cleri mei commendem, siquidem negari utique nequeat bonos libros potentissimum promovendae culturae vehiculum constituere. Ast quum compertum teneam, a nonnullis bibliopolis pro bibliothecis popularibus et scholarum libros indifferentismum spirantes, imo catholicae religioni directe inimicos pro vili pretio obtrudi magis, quam offerri: I). Scholarum Directores attentos reddo, ut sicubi adjuncta erectionem idmodi bibliothecarum admiserint, opera illis inferenda cautissime seligant, neque talibus in iis locum permittant, quae sub praetextu formandi intellectus spiritum religiosum suffodiunt, ac bonos mores in germine suffocant. Jaurini, die 10. Martii 1877. Dominorum Parochorum nonnulli relationem de mixtis in sua parochia matrimoniis ita incompletam dederunt, ut rubricam observationum porsus vacuam reliquerint. Quo itaque relationes hae fini suo respondeant, inviandos DD. Parochos duxi, ut impressorum pro praestandis his relationibus foliorum cunctas rubricas exactissime compleant, in specie vero in Rubrica observationum adnotare nequaquam omittant, in quanam religione proles e singulis parochiae suae mixtis matrimoniis progenitae educentur. Jaurini, die 10. Martii 1877. Nr. 770. Relationes de mixtis matrimoniis rite praestandae. Incidenti ex eo, quod remonstrationes in negotiis ad sphaeram Sedium Scholarium pertinentibus lingua latina concinnatae mihi a nonnullis DD. Parochis exhibitae fuerint, praescribendum hisce duxi, ut idmodi correspondentiae, sive eae negotia scholarum, sive vero illa Ecclesiarum, ad quae activitas Sedium Scholarium in sensu editorum a me hoc in merito ordinum extenditur, respiciant, posthac lingua ea, quam membra etiam Sedis Scholaris respectivae noverint, adeoque vel hungarica vel germanica ducantur et praeter Praesidem ecclesiasticum Sedis Scholaris etiam a concernente Praeside laico consubscribantur. Jaurini, die 10. Martii 1877. Nr. 771. Correspondentiae Sedium Scholarium ad Orti inariatum qua lingua ducantur ? Expensae typi Litterarum Circularium anni 1876. ob auctum impressionum partim in nexu illarum dimissarum, partim pro futuris indigentiis isthic reservatarum volumen, solitam alias excedunt mensuram ita, ut ad eas perstringendas pretium dictarum Circularium a singulo exemplari in 3 fl. 50 xr. defigi debuerit. Provoco proin DD. V.-A.-Diaconos, ut summam hanc a fiscis Ecclesiarum sui Districtus desumere et ocyus ad Officium Cancellariae meae Dioecesanae dirigere velint. Jaurini, die 10. Martii 1877. 4* Nr. 772. Pretium Litt. Circularium anni 1876.
