A Győri Püspökség Körlevelei, 1874
Tartalomjegyzék
43 D. Franciscus Neuwirth parochus Lajta-Pordányensis post diuturnam infirmitatem postque suscepta moribundorum Sacramenta die 12. m. curr. ad aeternitatem est evocatus anno aetatis suae 66., sacerdotii 43. Dum animam ejus, ut ei misericordiarum Dominus requiem aeternam in lucis ac pacis regione donare dignetur, piis fratrum ad aram suffragiis commendo, una beneficium parochiale Lajta- Pordánvense, quod in vivis tenuit, concursui usque 15. affuturi mensis Julii cum eo expono, ut pro illo competituri recursus suos Cels. D. Nicolao Principi Esterházy ceu Patrono inscribendos horsum usque ad praedefixum terminum exhibeant. Jaurini, die 22. Junii 1874. D. Matthaeo Kótzián ad beneficium parochiale in Darázsfalva translato, in vacantiam recidit beneficium, quod idem hactenus tenuit, Oszlopense; pro quo, alias Patronatui Cels. D. Nicolai Principis Esterházy obnoxio, hisce concursum indico, hujusque terminum in 15. Julii a. curr. defigendo recursuros inviatos esse volo, ut libellos suos supplices ad praetitulatum D. Patronum destinatos horsum eousque exhibeant. Jaurini, die-22. Junii 1874. * D. Josephus Igaz Dioecesis meae Presbyter et ultimo in Szany Cooperator die 12. m. curr. in Nagy-Szoczócz, parochiae S. Mariae de Thurócz filiali, quo curandae suae valetudinis causa recesserat, Ecclesiae charismatibus munitus pie in Domino obdormivit anno aetatis suae 29., sacerdotii 4.; cujus praemature nobis erepti animam, ut praemia consequatur aeterna, fratrum piis precibus commendo. Jaurini, die 22. Junii 1874. E relatione D. Administratoris Fundi Pensionis Ludirectorum novissime horsum praestita dolenter intellexi, annuas plurimorum commembrorum Instituti hujus pensionalis ratas aliasque competentias tam morose a concernentibus persolvi, ut summa restantium competentiarum hactenus jam ad 1538 flnos 49 xr. ascendat; quae quidem commembrorum morositas non modo administrationem Fundi reddit nimis difficilem, sed, cessante a restantiis censuum lucro, ipsi quoque Fundo notabile infert praejudicium. Quare DD. Vice-Archi-Diaconos ceu scholarum sui Districtus Inspectores hisce requirendos duxi, quatenus pro emolumento benefici hujus Instituti id omni meliori modo agere velint, ut ratae commembrorum districtualium, praesertim vero competentiae restantes, quo ocyus dependantur et ad Officium meum Dioecesanum transponantur. Nr. 1407. Obitus Fran- cisci Neuwirth et concursus pro beneficio Lajta-Por- dány. Nr. 1408. Concursus pro beneficio pa- rochiali in Oszlop. Nr. 1409. Obitus Jose- phi IgazDioec. Jaur. Presbyteri. Nr. 1410. De Fundo Pensionis ludirectorum. 10
