A Győri Püspökség Körlevelei, 1869
61 JVr. xir. Venerabili Clero Dioecesis Jaurinensis. .Ardua, in quibus Ecclesia Catholica aetate nostra versatur, adjuncta permoverunt visibile ejus caput, ut extraordinario isto tempore de extraordinariis remediis cogitaret. Sane jam in Circularibus anni proxime elapsi 1868 Nr. VIII. publicavi literas Apostolicas „Aeterni Patris Unigenitus“ die 29. Junii ejusdem anni 1868 editas, quibus Beatissimus Christi in terris Vicarius Pius IX. universis Christi fidelibus annuntiat, se anno 1869 in Basilica Vaticana Synodum Oecumenicam celebrare intendere, illiusque aperitionem in diem octavam mensis Decembris curr. anni 1869 defixam haberi. Ad hanc literarum Apostolicarum publicationem accessit hoc anno dispositio mea, qua juxta praecepta Pontificis Maximi ratione celebrandi Concilii Oecumenici collectam „de Spiritu Sancto“ a die prima Junii usque Concilii conclusionem continuandam sumi debere universo Ven. Clero Dioecesano significavi. Restat adhuc , ut de celebratione Concilii fideli populo annuntianda aliqua disponam, deinde ut publicem recen- tiores Literas Apostolicas „Nemo certe ignorat“ die 11. Aprilis a. 1869 signatas, quibus Beatissimus Pater ex incidenti celebrandi Concilii indulgentias in forma Jubilaei concedit. Itaque: 1. Die 1. Novembris a. c. post sacrum sermonem in Ecclesia Cathedrali et Collegiata, porro in cunctis parochialibus, claustralibus, imo et filialibus Ecclesiis in quibus cultus divinus publicus ea die celebrabitur, annuntietur fideli populo: Beatissimum Patrem Pium IX. Pontificem Maximum ad res Ecclesiae Catholicae communibus Episcoporum consiliis expediendas Romae in Basilica S. Petri vertente hoc anno Concilium Oecumenicum esse celebraturum. 2. In rebus tanti momenti singulari Spiritus Sancti auxilio est opus ; justum eapropter et salutare est exorare Dominum, ut gregem suum non deserat, verum eum continua protectione custodiat. Incipiendo itaque a prima die Novembris usque finem Concilii diebus Dominicis et Festis fori post Sacrum Conventuale et parochiale pro felici initio et decursu Concilii oretur lingva vernacula ter „Pater“ et „Ave,“ item oratio „Deus qui corda fidelium.“ 3. Die 8. Decembris, quippe die aperitionis Concilii Oecumenici, in Ecclesia Cathedrali, Collegiata, porro in cunctis Ecclesiis parochialibus, Claustralibus imo et filialibus Ecclesiis, in quibus in serie cultus divinus publicus habetur, celebretur „Veni Sancte“ pro impetrando Spiritus Sancti auxilio; quod fideli populo praevie notum fiat, qui una provocandus erit, ut ea occasione etiam Immaculatam Deiparam pro pia intercessione humili ac devotissimo corde invocare non cesset. De indulgentiis, ut superius adtigi, primo publico Literas Apostolicas, quarum tenor est sequens: 16 Nr. 2080. De Concilio.
