A Győri Püspökség Körlevelei, 1869

Competentium pro hac statione, ubi lingua institutionis est hungarica et germanica, recursus requisitis documentis instruendos ad Inclytum scholae Patronum, Illmum D. Joannem L. B. Sina, a quo docens omnes proventus percipit, dirigendos, Officium Vice-Archi-Diaconale Districtus Mosoniensis colliget, et post terminum concursus una cum resultato examinis eidem Inclyto Patrono fine faciendae designationis exhibebit.

Jaurini, die 18. Februarii 1869.

15

Jiixc. Ministerium Cultus et Institutionis publicae educationi surdomutorum ampliorem ac hactenus fuerat, curam et studium impendere cupit, et hunc in finem statistica data colligit. Provocantur itaque DD. Curati, quatenus ad sequentia puncta respondere festinent:

1. Utrum intra ambitum parochiae surdomutus existat?

2. Nomen ejus et aetas qualis?

3. An hebes sit omnino, vel institutionis capax?

4. An hactenus educatus et institutus fuerit?

Responsa quantocyus mittantur ad Officium Vice-Archi-Diaconatus inde huc promovenda.

Jaurini, die 18. Februarii 1869.

Nr. 489.

Statistica data de surdomutis exhibenda.

Quo status scholarum Catholicarum Dioecesis Jaurinensis in nucleo exhiberi et in evidentia servari possit, opus est brevi responso ad sequentes quaestiones:

1. Quae scholae existant intra ambitum parochiae tam in matre, quam in filialibus ?

2. Nomen ludirectorum et docentium.

3. Numerus prolium scholas frequentare obligatarum tam mascularum quam femellarum.

4. Numerus prolium scholas tempore hyemali effective frequentantium tam mascularum quam femellarum.

5. Numerus cubilium, in quibus instituuntur proles.

6. An Ludirectoris dotatio sufficiens sit, item an schola necessariis requisitis sit instructa?

Relatio de his ad Officium Vice-Archi-Diaconatus Districtualis mittatur.

Jaurini, die 18. Februarii 1869.

Nr. 493.

Relationes de statu scholarum deposcantur.

Joannes m. p. Episcopus.