A Győri Püspökség Körlevelei, 1869
9 Inter varios, qui animum premunt, angores, velut ex opacis nubibus serenus nobis affulget sol. Praesagimus gaudium magnum, quod erit omni populo sancto Dei. Rumor namque faustus pervagatur regionem nostram, imo non nostram tantum, verum repente instar fulguris, qui exit ab Oriente et paret usque in Occidentem, jam totum Catholicum orbem exultatione implet. Beatissimus Pater, Pontifex ;Maximus Pius IX. Dominica secunda post proximum Pascha Sacerdotii sui semiseculum celebrabit. Dignum est, Dilectissimi! ut laetabundo Patri devotissimi filii collaetemur, et diem, quam Princeps Pastorum fideli servo suo videre concessit, ei, imo toti Ecclesiae ter felicem, ter faustam velimus, voveamus. Dum itaque Summum Ecclesiae nostrae Caput ac Princeps, quem infinita Dei dignatio collocaverat ad excelsum S. Petri locum, quive multiplici calamitate undique ingruente minime fractus Ecclesiam hanc virili moderatur ingenio, dum inquam magnus ille Sacerdos post assiduos quinquaginta annorum in Sacerdotio transactorum labores ad altare Dei, ut calicem Salutaris accipiat, et Deo hostiam laudis pro Se et pro universa Ecclesia offerat, iterum introiverit: tunc Dilectissimi! orate una mecum, ut Deus Pontificem nostrum incolumem conservare, ejus eucharisticum hoc Sacrificium per manus Sancti Angeli in sublime altare Suum perferri jubere, illudque cum precibus totius Ecclesiae sereno vultu respicere et acceptum habere dignetur. Denique hoc etiam tempore meminerimus, rem et causam totius Ecclesiae esse nos tuituros, si pro indigentiis Sacrae Sedis symbolas contulerimus, et ad hoc praestandum fideles quoque nostros provocaverimus. Quod demum ipsam celebrationem Solemnitatis concernit: Dominica „Laetare,“ vel Feria II. Paschatis post Sacrum Sermonem publicetur populo ventura Solemnitas Dominicae II. post Pascha, seu dies Secunditiarum Sanctissimi Patris. Pridie Secunditiarum post Salutationem angelicam vespertinam, interjecta modica mora, per duos horae quadrantes fiat pulsus omnium loci Campanarum; hoc ipsum repetatur ipsa die Solemnitatis post Salutationem matutinam. Ipsa die Secunditiarum solemne „Te Deum“ habeatur in omnibus Capitularibus, Parochialibus et Claustralibus Ecclesiis, imo etiam iis in Filialibus, in quibus ea Dominica Sacrum celebratur. Caetera tandem, quae ad augendam diei et Solemnitatis magnificentiam pro ratione adjunctorum conferre poterunt, ingenuosus amor facile deteget. Jaurini, die 18. Februarii 1869. Nr. 483. Secunditiae Beatissimi Patris Pii PP. IX. annun- ciantur. r 3 JVr. III. Venerabiles Fratres ac Filii in Christo Dilectissimi!
