A Győri Püspökség Körlevelei, 1868
IC 67 Wr. XIII. Pro congruo notitiae statu et observantia publicatur Decretum S. Congregationis Kit. de dispensanda Venerab. Eucharistia, nuperrime editum, tenoris sequentis: „Post liturgicas recentiores leges a Summis Pontificibus Pio V., Clemente VIII., Paulo V. et Urbano VIII. conditas, gravis exarsit controversia inter Doctores et Kubricistas „An in Missis defunctorum aperiri possit tabernaculum ad fideles pane Eucharistico reficiendos.“ Sacrorum Rituum Congregatio prima vice interrogata, in una Albiganen. 24. Julii, 1863. ad iv. respondit: „Non esse contra ritum ministrare Communionem in Missa de Requiem, vel post illam cum param entis nigris, omissa benedictione, si administraretur post Missam.“ Verum controversia nondum composita identidem Saci'a Rituum Congregatio peculiaribus in casibus responsa dedit, quin unquam ad generale Decretum deveniret. Interea ex nonnullorum Doctorum placitis, tum pervasit opinio, posse nempe fidelibus Sanctam Eucharistiam ministrari particulis tantum in Missa pro defunctis consecratis; tum in aliquibus locis mos invaluit Missas defunctorum celebrandi in paramentis violaceis, ut non solum intra Missam, sed etiam ante vel post eamdem pietati fidelium Sacra Eucharistia refici cupientium satisfieret. Quapropter Episcopis praesertim Sacrorum Rituum Congregationem saepissime rogantibus, ut per generale Decretum quid hac in re faciendum sit statueret, Sacra eadem Congregatio die 12. Aprilis anni 1823. in una Panormitana edixit, ut gravis haec quaestio videretur peculiariter et ex Officio. Quod iterum obtinuit anno 1837. in una Mutinen., ubi ad III. Dubium „An mos, qui perdurat adhuc communicandi in Missis defunctorum cum particulis praeconsecratis, possit permitti, vel etc.“ responsum est: „Dilata, et servetur rescriptum in Panormitana 12. Aprilis, 1823.“ Nihilominus ob temporum ac rerum circumstantias isthaec peculiaris negotii hujusmodi salebrosi disquisitio ad aetatem usque nostram dilata fuit: siquidem in Conventu die 16. Septembris 1865. collecto, cum ageretur de usu coloris violacei in Missis defunctorum in altari, ubi Sanctissimum Eucharistiae Sacramentum asservatur, responsum fuit tertio: „Dilata, et reproponatur una cum alio dubio, an Sacerdos possit aperire Ciborium ad communicandos fideles cum paramentis nigris.“ Tandem novis supervenientibus Sacrorum Antistitum precibus die 3. Martii, anni 1866. in ordinariis Sacrorum Rituum Congregationis Comitiis propositum fuit Dubium una cum sententia, quam ex officio aperuit alter e Consultoribus: „An sacerdos possit aperire Ciborium ad communicandos fideles in paramentis nigris?“ Verum Emi. etRmi. Patres Cardinales responderunt: „Dilata, et scribat alter Consultor, nec non Assessor, reassumptis omnibus ad rem facientibus; habita praesertim ratione relate ad opportunitatem.“ Typis traditis communicatisque hisce sententiis tum Rmi.'Assessoris tum alterius ex Apostolicarum Caeremoniarum Magistris specialiter deputati, Sacrorum Rituum Congregatio in Ordinario Coetu hodierna die ad Vaticanum coadunata est: ubi Emus et Rmus D. Cardinalis Nicolaus Clarelli Paracciani loco et vice Emi et Rmi Cardinalis Constantini Patrizi Praefecti absentis idem proposuit Dubium, et Emi 15 Nr. 2740. De Communione sub Missa pro defunctis dispensanda.
