A Győri Püspökség Körlevelei, 1868
18 Nr. 876. Statio ludirectoralis in Eöttevény- Szigeth concursui exponitur. Ludirectore in Eöttevény-Szigeth ob commissos varios excessus, mediante adornata contra eum disciplinari inquisitione, per judiciariam ab Exc. Cultus ac pubi. Institutionis Ministerio R. H. sub 24. Februarii a. curr. Nr. 2326. latam sententiam a praegesto munere amoto, ad complendam vacantem isthanc stationem hisce concursus usque 14-am affuturi mensis Aprilis duraturus publicatur; competituri autem ad libellos supplices via D. Vice- Archi-Diaconi et Parochi Fehértóensis Josephi Takácsy horsum exhibendos inviantur. Emolumenta stationis hujus ad sequentia redeunt: 1. Agrorum arabilium jugera 14. 2. Titulo lecticalis a singulo colono mediae sessionis */2 metr pos.; a quadrantalis sess. et ab inquilinis ‘/4 metr., a subinquilinis autem 1/8 metr. pos. frumenti mixti insimul ...............42 metr. pos. 3. A Communitate............4 orgiae ligni focalis mollis, 8 librae saebi, 16 libr ae carnis, et 16 mediae vini. 4. Titulo didactri a Communitate 92 fl. a. v. 5. Titulo Stolae 15 fl a. v. 6. E piis fundationibus 3 fl. 60 xr. Ludirector tenetur intertenere subdocentem, Communitate salarium ejusdem solvente. Jaurini, die 5. Martii 1868. Nr. 898. Proles ex aliena parochia ad primam confessionem venientes, ad proprium parochum relegandae. Cum proles ad primam S. Confessionem praeparare, et de eo, utrum illae in rudimentis fidei sufficienter instructae sint, judicare praecipue ad DD. Parochos pertineat, provoco omnes Y. Sacerdotes tam seculares quam regulares ad excipiendas confessiones deputatos, ut proles non suae parochiae, aut alio titulo sibi non subjectas, quas nefors parentes ad se deducerent confessionis peragendae causa, ad parochos proprios remittere non intermittant. Experientia quippe testatur abusum, quo proles ad vicinam parochiam vel claustrum ducuntur confessionis causa, invaluisse ad evitandum, alioquin cum magno salutis detrimento, — examen, a Parochis propriis laudabili exactitudine primae confessioni praemitti solitum. Jaurini, die 6. Martii 1868. Joannes m. p. Episcopus.
