A Győri Püspökség Körlevelei, 1865
Tartalomjegyzék
129 illa caelestis philosophiae dogmata a posteris excurentur, limentur, poliantur. Sed nefas est, ut commutentur, detruncentur, mutilentur, humanorumque ingeniorum quasi extranea additamenta recipiant. Accipiant licet evidentiam, lucem, distinctionem; sed retineant necesse est plenitudinem, integritatem, proprietatem.“ Ceterum ad salutares ex lectione sacra fructus colligendos, praeter fidelem traditionis avitae consectationem, aliae insuper in sacerdote requiruntur dispositiones, tanto magis necessariae, quod iis deficientibus, labor impensus nobilissima una ac iucundis- sima, quam sperare licebat, mercede frustretur. Tales sunt: ut numquam ad legendum accedat, nisi praemissa pia precatione „Non solum admonendi sunt venerabilium litterarum studiosi, ut in scripturis sacris genera locutionem sciant;... verum etiam, quod est praecipuum et maxime necessarium, orent, ut intelligant,“ ait s. Augustinus. 44) Et s. Ephrem: „Cumte ad legendum paras, Deum imprimis ora dicens: Domine JesuChriste, aperi aures et oculos cordis mei... ad intelligendum sermonem tuum, faciendamque voluntatem tuam.“45) Dein, ut non curiositate, sed solo veritatis desiderio ductus nil quaerat, nisi eum, qui factus est nobis sapientia a Deo, et iustitia, et sanctificatio, et redemtio.46) „Lege libros omnes propheticos: non intellecto Christo, quid tam insipidum et fatuum invenies ? Intellige ibi Christum: non solum sápit quod legis, sed etiam inebriat.“47) Porro, ut animum afferat sincera in Deum et proximum caritate ferventem: „Scientia enim stomacho animae ingesta, si non fuerit igne caritatis decocta, malos humores generat.“ 48) Praecipue vero et ante omnia necessaria est cordis mundities, et mens a vanitatibus curisque saeculi expedita: „Impossibile namque est immundam animam, quantalibet desudaverit lectionis instantia, adipisci scientiam spiritalem.“49) Et ut s.: Bernardus affirmat: „Ante carnem disciplinae studiis edomitam et mancipatam spiritui; ante spretam et abiectam saeculi pompam et sarcinam, indigne ab impuris lectio sacrae scripturae praesumitur; quomodo lux incassum circumfundit oculos coecos vel clausos: ita animalis homo non percipit ea, quae sunt Spiritus Dei.“ 50) Quodsi sacerdotes hac intentione, atque ita comparati scripturas divinas tractaverint, confidimus fore, ut de die in diem crescentes in gratia et cognitione Domini nostri et Salvatoris Jesu Christi,51) brevi perveniant ad supereminentem scientiae caritatem, 52) qua imbuti atque inflommati nihil antiquius habeant, quam ut exemplum se ipsos praebeant bonorum operum in doctrina, in integritate, in gravitate; 53) et digne fungentes ministerio, quod acceperunt a Domino, cooperentur Christo in salutem plurimorum. Quod ut faxit, quotidianis Patrem luminum precibus exorare non cessamus. Datum in Rákos, die 23. Octobris 1865. Joannes m. p. Episcopus. 44J De doctr. christ. lib. 3. c. 37. 45) De patientia et consum. saec. 4β) 1 Cor. 1, 30. 47) S. August. Traet. 9. in Joan. n. 3. Opp. t. 3. par. 2. 48) S. Bemard, serm. 36. in Cant. n. 4. Opp. t. 2. 49) Cassion. Collat. 14. c. 14. S®) Serm. 7. in Cant. 51) 2 Petr. 3, 18. ω) Ephes. 3, 19. 53) Tit. 2, 7. 25
