A Győri Püspökség Körlevelei, 1863
Tartalomjegyzék
28 piterna possideat. Pro vacante, quod tenuit, parochiali, localis compossessoratus patronatui obnoxio beneficio, hisce concursum usque finem mensis Aprilis duraturum publico. Jaurini, die 18. Martii 1863. Nr. 1029. Decretum Brixinense de coitu S. Notburgae Virginis. Sequens prodiit et a Sanctissimo Domino Nostro ratihabitum est Decretum S. Congreg. Rituum, quo confirmatus est cultus ab immemorabili tempore praestitus Servae Dei Notburgae Virgini saeculari, Sanctae nuncupatae. Declinante saeculo XIII, Ratembergae ex humili genere in lucem prodiisse fertur Serva Dei Notburga, vitamque exegisse famulatui addictam, modo inter infima domus officia, modo inter agrestes labores; at ea floruisse morum integritate, eo nitore virtutum omnium, ac praesertim charitatis, ut non modo amplissimam sibi comparaverit sanctitatis opinionem apud homines, sed praeclaris etiam charismatibus ornari meruerit a Deo, qui etiam funus ejus, ac deinde tumulum multis decorasse dicitur prodigiis. Traditio constans, haud obscuris etiam freta indiciis, cultum publicum ecclesiasticum Virgini tributum refert ad exordia saeculi XIV, seu ad ejus mortem; sed floruisse XV saeculo, increbuisse semper deinde, ac latius fuisse vulgatum, hodieque vigere indubia monumenta testantur. Quamobrem quum instante Reverendissimo Domino Episcopo Brixinensi, in cujus dioecesi situm est templum mortalibus Notburgae exuviis et nomine illustre, Emus et Rmus Dominus Cardinalis Carolus de Reisach in Ordinariis Sacrorum Rituum Congregationis Comitiis ad Vaticanum hodierna die habitis dubium proposuerit: „An constet de cultu publico ecclesiastico ab immemorabili tempore praestito praedictae Servae Dei, seu de casu excepto a Decretis sa. me. Urbani Papae VIII. in casu et ad effectum de quo agitur ?“ Emi et Rmi Patres Sacris tuendis Ritibus praepositi, omnibus accurate perpensis, auditoque voce et scripto R. P. D. Andrea Maria Frattini Sanctae Fidei Promotore, rescribendum censuerunt: „Constare de casu excepto“ die 22. Martii 1862. De quibus postea facta per infrascriptum Secretarium Sanctissimo Dno Nostro Pio Papae IX. relatione, Sanctitas Sua rescriptum Sacrae Congregationis ratum habens confirmavit cultum publicum ecclesiasticum ab immemorabili tributum Beatae Notburgae die 27. iisdem mense et anno. C. Episc. Portuensis et S. Rufinae Card. PATRIZI S. R. C. Praefectus. Dominicus Bartolini S. R. C. Secretarius. Jaurini, die 19. Martii 1863. l*ro Ecclesia et Asceterio a Trappistis in Belgio aedificando recentissime sequentes piae symbolae ad Officium meum transpositae sunt. E Parochiis: Medgyes 6 fl. 30 xr.; Moson 22 fl.; Osli 5 fl.; Oszlop 21 fl.; Párndorf 79 fl. 40 xr.; Rákos 15 fl.; Szolnok 5 fl.; Újfalu (Neudorf) 19 fl. 54 xr.; Védeny 12 fl.; Vinden 2 fl.; Völgyfalu 4 fl.; Zurány 4 fl. Pro Unione S. Ladislai ab ultima consignatione obtulerunt. Parochiae: Rába-Sz.-Mihály 9 fl. 42 xr.; Újfalu (Neudorf) 32 fl. 86 xr. Joannes m. p. Episcopus.
