A Győri Püspökség Körlevelei, 1863
Tartalomjegyzék
12 dam, qua expleta succedat ei diaconus similiter, ea scilicet conditione servata, ut omnis clerus diebus omnibus vesperas et matutinas celebret." Memoratu cumprimis dignum est edictum Justiniani imperatoris, J) qui legi ecclesiasticae auctoritate sua quasi robur additurus, de psalmodia a clericis peragenda ita decernit: „Praeterea sancimus, ut omnes Clerici per singulas Ecclesias constituti per se ipsos psallant nocturna, et matutina, et vespertina, ne ex sola rerum ecclesiasticarum consumtione clerici appareant, nomen quidem habentes clericorum, rem autem non implentes clerici circa liturgiám Domini Dei. Si enim multi laicorum, ut suae animae consulant, ad sanctissimas Ecclesias confluentes studiosi circa psalmodiam ostenduntur; quomodo indecens non fuerit clericos ad id ordinatos non implere munus suum?" Ratio naturalis a Justiniano lieic adducta tam luculenta aeque ac stringens est, ut nulla etiam alia suppetente, ea sola clericum quemvis, qui vocationis suae conscientiam nondum abjecit, de obligationis hujusmodi veritate persuadere possit. — Verum cum post saeculum undecimum consuetudo invaluisset, ut aliqui ad clericatum promoverentur ex solo patrimonii titulo, quin ullius Ecclesiae servitio addicerentur : clerici minores propriam sustentationem e patrimonio percipientes, in animum inducere coeperunt suum, se nec ad publicam, nec ad privatam horarum canonicarum recitationem obligari. Unde paulatim ex quadam Ecclesiae indulgentia tacitaque permissione factum est, ut ex clericis minoribus soli duntaxat beneficio provisi, in majoribus vero ordinibus constituti universim omnes hac obligatione tenerentur. Obligatio haec luget hodiedum; nulla quippe lege contraria nulla consvetudine legitima derogatum ei est. Imrno vero in hodiernum usque diem repetitis Conciliorum decretis, Summorum Pontificum Constitutionibus, et Episcoporum adhortationibus inculcatam corroboratamque eam novimus. Quare dum praecipua quaedam rationum momenta, quibus haec obligatio nititur, per summos veluti apices expositum eo, id a Vobis caritati meae, qua Vos complector, et sollicitudini Vestro consulendi profectui ac saluti, tributum iri confido. Ecclesiam a ministris suis sedulam officii divini recitationem quovis tempore exegisse, ex innumeris quas eam in rem condidit legibus, est manifestum. Eidem jus et potestatem esse ea sanciendi quae ad cultum divinum, et provehendam suorum religiosam virtutem opportuna judicaverit, nemo, qui catholicus sit, ibit inficias. Unde sicut qui praeceptis Ecclesiae morem gerit, devotioni meritum addit obedientiae: ita quisquis iisdem obnititur, temeratae in Ecclesiam pietatis reum se fecisse censendus est. Atqui exitum non inveniam, si vel praecipuas, quibus Ecclesia clericos sacris initiatos ordinibus ad horas canonicas ohligat leges perstringere velim. Ne igitur in re aperta nimius videar, unam dumtaxat alteram ve attingam. Concilium Lateranense 4. a. 1215 can. 17. 2) ita decernit: „Virtute obedientiae praecipientes, ut officium diurnum pariter ac nocturnum, quantum eis dederit Deus studiose celebrent pariter ac devote." Concilium Basi- leense a. 1435 Sess. 21. cap. 5. statuit: „Quoscumque beneficiarios seu in sacris ordinibus constitutos, cum ad horas canonicas teneantur, admonet haec Synodus, ut sive soli, sive associati diurnum nocturnumque officium reverenter verbisque distinctis peragant." Concilium Lateranense 5. a. 1514 celebratum, sessione 9 beneficiarios omnes, qui post sex menses ab adepti beneficii possessione canonicas horas non persolverint, perceptos e beneficio fructus restituere jubet. Quod quidem Concilii decretum S. Pius V. edita Constitutione 3) non modo confirmat, verum etiam explicat, multaque addit a cle') Líb. 1. tit. 3. c. de Epp. et Cler. — *) Insertus est hic can. Corpori Juris can. c. 9. X. de celebrat. Miss. (3, 41.) — 3) Ex proximo Lateranensi 1571.
