A Győri Püspökség Körlevelei, 1861
Tartalomjegyzék
33 iTr. FII. Ad generalia Regni Comitia discessurus cohibere me non potui, quin curae meae creditum fidelem populum alloquerer, ac ad fundendas pro felici tanti negotii successu pias preces provocarem. Feci hoc ope pastoralium litterarum, quarum exemplaria ad singulam parochiam cum eo transpono, ut DD. Curati illas proximo die Domini vel Festo, non tamen Dominica Resurrectionis D. N. J. C. ex ambone perlegant. Jaurini, die 27. Martii 1861. Terminum proximi prosynodalis examinis in dies 15. et 16. mensis Maji h. a. defixum esse, ad omnium, quorum interest, notitiam hisce perfero. Jaurini, die 27. Martii 1861. Die 17. h. m. animam Deo reddidit Josephus Iletsey, V. A. Diaconus ad Hon., Parochus ad SS. Salvatorem in Suburbio Jaurinensi. Presbyteratum anno 1828 suscepit, et mox in eadem parochia cursum pastoralis muneris uti cooperator orsus est, quam post quinque in officio capellani, tresque alios in parochia Szabadhegyensi exactos annos proprio jure regendam obtinuit, et usque ad mortem retinuit. Pietatis zelique sui monumentum insigne reliquit, Ecclesiam parochialem, anno 1841 ad fastigium eductam, in cujus aedificatione, instructione ac ornatu procurando ita solerter versabatur, ut nullis parceret fatigiis, nullis detineretur molestiis ac difficultatibus. — Oremus ut in aeterna tabernacula recipi mereatur a Domino, circa cujus domum tanto cum studio versabatur. Qui vacans hoc mortis casu parochiale beneficium consequi optaverint, supplices suos, ad Illustrissimum Comitem Joannem Waldstein C. R. Camerarium uti Patronum directos, usque finem futuri mensis Aprilis ad officium dioecesanum transponant. Jaurini, die 27. Martii 1861. Annuam relationem de profectu Missionis in Africa centrali, quam pia Unio propagandae in oris illis, in medio umbrae mortis ac densissimis idololatriae tenebris gementibus, fidei catholicae typis edidit, per singula exempla ad cunctos Districtus Vice-Archi-Diaconales cum praesentibus dimitto. Cum in hac relatione nulla fiat mentio symbolarum in Dioecesi mea ad scopum ejusdem unionis anno 1859 collectarum , causam hujusmodi hiatus quaesivi a Commissione , quae res Unionis moderatur, ac ex ejusdem litteris responsoriis ddto. 20. m. p. Nr. 2420. cognovi, errorem inde promanasse, quod respectiva summa 252 fl. 30 xr. a. v. cum pecuniis Sodalitii S. Infantiae Jesu confusa fuerit, et in sequelam reclamationis meae scopo suo reasserta, in consignatione anni sequentis exponenda sit. Jaurini, die 27. Martii 1861. Joannes m. p. Episcopus. 14 Nro. 912. Pastorales litterae fideli populo ex ambone perlegantur. Nro. 913. Terminus proximi prosynodalis examinis. Nro. 914. Obitus Josephi Hetsey, Concursus pro beneficio Jaurino- Ujvarosensi. Nro. 915. Relatio Unionis promovendarum in Africa centrali Missionum.
