Szent Benedek-rendi katolikus gimnázium, Győr, 1898

134 Horum omnium tarn Munißcorum Benefactorum ea fuit Mens, ac intentio, ut Jaurinensi Jesuitarum Collegio melius dotato plures ali possent ex illo Ordine Patres, ut major ex Ulis in Comitatum et Urbem Jaurinensem, Vicinosque Comitatus utilitas redundaret, et plures ad informandam Juventutem Scientiarum fontes aperiantur. Horum Benefactorum voluntatem, ac intentionem post abolitum Societatis Jesu Ordinem confírmavit Magna illa Princeps Maria Teresia, Mattis Vrae Gloriosissimae Memoriae Avia et non modo in Jaurinensi Urbe Academiam permanere jussit, sed etiam ad duas jam antea existentes, tertiam Juridicam facultatem addidit, et in aeternum pignus sui in hanc Academiam Amoris eidem dono dedit nobilissimam S. Crucis particulam pulcherrimo Argenteo Ostensorio inclusam. Et quoniam Mattis Vrae Sacrmae ea est toti Regno declarata voluntas, ut Mentes fundatorum impleantur, dignetur et clementissime decernere, ut tot Benefactorum et Augustae Mariae Teresiae quoad Jaurinensem Academiam Mens et Intentio impleatur. Si quis in Hungaria oportunus Academiae Locus est, talis certe Locus Jaurinum est ; Situs Urbis inter Viennam, Sopronium, Posonium, Budam, Pestinum, Strigonium, Comaromium, quotidianus Cursus Postae ascendentis et descendentis, procuratio et advectio rerum, et ad Supellectilem Literariam pertinentium, facillima Commoditas hospitiorum, pretium Victus, et rerum venalium intra honestam mediocritatem diiixum ; Mores incolarum hujus Urbis non Corrupti ; Vicinia Comitatuum valde impopulatorum et multae Nobilitatis facilitas adeundae Urbis, et aqua, et terra viis per vicinos Comitatus maxima parte jain refectis. Unum obstare videtur votis nostris, quod nempe Jaurinum et Posonio vicinum sit, et etiam Pestino non plane nimium dissitum, adeoque spectata Locorum Constitutione non videatur Academia Jaurini aut necessaria, aut peculiaris utilitatis esse. At primo : Jaurino Posonium 10, Pestinum autem 17 Milliaribus dissitum est, quae distantia in Regno Hungáriáé, cujus latitudo 50, longitudo autem 80 tantum Milliaria complectitur, utique non est contemnenda. Sed vel si haec Jaurini ab Urbe Posoniensi et Pestiensi distantia non est attentione digna, digna certe est attentione distantia seu Posonio, seu Pestino Comitatuum Castriferrei, Veszprimiensis, Szaladiensis, et magna parte Comitatus Soproniensis, qui utique ab utraque Urbe multum distant. Sed quid quid sit de Physica Locorum distantia, dignetur Scrma Mattas Vra moralem Locorum Constitutionen! in clementissimam reflexionem sumere, qua spectata multo oportunior pro Academia Locus est Jaurinum, quam sint Ouinque Ecclesiae, etenim Ouinque Ecclesiae duobus praecipue et iis non magnis Comitatibus sunt oportunae, Tolnensi nempe et Baranyensi (nam vel ex Comitatu Simeghiensi facilior est Jaurinum accessus, quam Ouinque Ecclesias) et quidem duobus illis Comitatibus oportuna est haec Urbs, in quibus exigua est Nobilitas et