Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)

D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582

130. (1.165.V,- 166.r.) Naidt Michäl vnnd Frennz Istuan, beede burger vnnd hanndlßleut alhie, sein mit irer strittigen schuldtsachen weillen sy die irer ornndtlichenn obrigkhait alhie zu wider, vor herrn hanndtgrafen in Wienn, mit verpot, clagen, vnnd annderm anhengig gemacht. Durch richter vnnd rath widerumben vnnd dahin gewisen, auch vmb das dasselbe in grichts straf die fürnemblich vnnd gegen dem verlüstigten thaill fürgenumen werden solle erkhent wordenn. Actum denn 17 decemb[ris] anno zwayvnndachzig [isten].

131. (I. 166.r.-166.v.) Weillendt Maister Micheln Pindters gelaßnen wittib alhie, ist durch richter vnnd rath auf ir bitlich erscheinen vergünstigt, wouer sy das handtwerch mit guettem verstenndtigen gesindt wie pillich arbaitten, vnnd menigelichen vmb die gepier versehen wierdet, so solte ir dasselbe hiemit ein zeitlang vnuerhindert and [er] vnnd also allain, zutreiben bewilligt sein. Actum denn sibenzehenden decemb[ris] anno [etc.] zwayvnndachzigistenn.

132. (I. 166.V.) An heüt dato haben richter vnnd rath vonn Lorennzen Häberler oberdreissigists ambts Verwalter, vnnd burger alhie sein behaußung, für einen hungerischen predigantenn, vnnd schuel, mit allen zimer, vnnd gemächen, das jar per zwelf taller bestanndten. Act[um] denn 17 tag decembfris] anno zwayvnndachzigistenn.

133. (I. 166.v.-167.r.) Was das begernn Lorenzen Häberlers obdreissigists ambts Verwalter, vnnd Mathesen Hauers des aussern rats beeder burger alhie, vmb ir jedes hausfrau erblichenn sprich vnnd anforderung, so sy zu weillendt Missarusch Andreäschen auch gewesten burger vnnd des innern rats dann seiner hausfrauen daselbsten, verlassungen, alß zu iren vatter vnnd muetter, haben betrüfft. Geb[en] dißmalß richter vnnd rath zum beschaide es sollen auf verrer anhalten deren güetter ornndtlich beschriben, geschäzt, mit abfertigung vnnd anndern, was dann einem jedem erb[en] gebiern wierdet, gesprochen vnnd eruolget werdenn, was recht ist. Actum denn sibenzehendten decembfris] a[nno] [15]82 ist[en].

144