Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
1582. június 19. 104. (I.134.v.-137.r.) An heüt dato, ist durch richter vnnd rath, weillenndt Märze Matheß gewesten burgers vnnd hanndlßmanns alhie verlaßungen, ornndtlichen inuenttiert, geschäzt, vnnd zwischen dessen erben Agata seiner verlaßnen wittib, so an yezt Lorenz Häberler obdreissigistsambts Verwalter vnnd burger daselbsten ehelich[en] hat, ainß, dann irem miteinander erzeugten khindts Märze Georgl genandt annderstailß, inhalt seines bey gericht ligendten testaments, abgethailt, vnnd jedem sein gepiernuß zuegesprochen, vnnd abgehanndlet worden, wie hernach zuuernemen volget. Erstlichenn sein oxen, stier, khüe, vnnd khelber, ain hundertachtvnndfunfzig stuckh, vnnd zehen zäch oxen, alles mit vnnd durch einander in ein summa alß per neun hundert fünfzig guldenn hungerisch beteurt vnnd geschäzt worden. Das hauß auf der hungerischen gassen am Egg neben Cunraten Träxlers behaußung gelegen per drei hundert gulden hungerisch. Item acht melchkhüe, vnnd zway roß, per zwenvnndsibenzig gulden, funfphennig hungerisch, Die schuldten so mann ime Märze Mathe verbliben, thuen laut seines testaments, vier vnnd sechzig guldenn hungerisch. Summa summarum thuet dises beschriben vnnd fürkhumen guet zusamen, ain tausent dreihundert, sechsvnndachzig gulden, funffzig phennig hungferisch]. Daruon sein die schulden so Märze Mathe zuthuen gewesen, vnnd was sein nachkhumer Lorenz Häberler inhalt seiner bey gericht fürkhumen verzaichnuß, zu des viechs, hauß, vnnd annderer notturfften bezalt so in summa vier hundert sechs vnnd dreissig guldenn hungerisch bracht, weckh gethann vnnd abgezogenn worden, vnnd bleibt also per ressto neun hundert fünfzig guldenn funffzig phennig hungerisch. Demnach ist vermüg mergemeldes testaments dises in zwen gleiche thaill, halbs der wittib, vnnd halbß dem khindt, abgethailt vnnd zuesprochen word[en]. Also das Lorennz Häberler vnnd sein hausfrau dem khindt Märze Georgen von dem guet herauß zugeben schuldig sein benentlichen, vier hundert fünfvnndsibenzig guldenn, fünfvnndzwainzig phennig hung[erisch]. Dieselben sollen sy biß auf des khindts vogbarkhait mit gepierendter verzinßung, gegen genuegsamber verphendtung vnnd Verschreibung, in handen haltfen] nuzen vnnd geprauchenn, vnnd alßdann dem khindt zu bestimbter zeit seiner jahr vnuerhinderlich also paar vnnd berait ohne abschlag vnnd lengem Verzug enttrichten vnnd bezallenn, Was die vorenndt haab belangt, die ist der wittib vnnd irem ehewiert vneingeschäzter, vnnd weillen die etwas geringwierdtig, der gestalt frey eruolget, das sy darumben vnnd darfür, das khindt biß zu seiner vogtperkhait, mit aller notturfft, alß claider, essen, trinckhfen], schuelgehenn, vnnd anndern vnnderhaltenn, auch in aller zucht vnnd forcht Gottes auferziechen sollenn, So vili sein sy Häberler vnnd sein hausfrau, schuldig, entgegen mügén sy hierumben, 132
