Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
1582. április 4. Aprilis 91. (I. 125.r.) An heüt dato, ist durch richter vnnd rath, einer gannzen gmain auferlegt, vnnd beuolchen wordenn, ein jedtweeders viech vnnder die halt derselben sortenn, vnnd hinfort niergendt annderswohin zutreiben. Actum denn vierten april anno zwayvnndachzigist[en]. 92. (I. 125.r.-125.v.) Gleichsfals ist auch vnnd hiemit einer ganzen gmain auferlegt das ein jeder seine gräben wo ers machen zulassenn schuldig, zwischenn hie vnnd Georgi gewislich vnnd bei straf machen lasse. Actum denn vierten april anno [etc.] [ 15]82 ist[en], 93. (1.125.V.) Maister Christoff Woltfen Schneider alhie, ist hiemit durch richter vnnd rath, ernstlichenn auferlegt vnnd beuolchenn, maister Benedictin mauer daselbsten, vnnd denn Ziegler, was er innen zuthuenn ist, inner manets frist gewislichen zubezallen, wonit solle ime darumben sein hauß ornndlichen geschäzt, vnnd die glaubwiger daran bezalt vnnd abgericht werdenn. Actum den vierten april [15]82 ist[en]. 94. (I. 125.v.-126.r.) Was die beschwärung Horbat Petern wid[er] Naigdt Pauln betreffen thuet, wegen das in beclagter sambt seinem brued[er]n vnnd einem khnecht vnpillichen geschlagenn, des aber Naigdt Paul nit bestendig. Ist hiemit durch richter vnnd rath, beeden taillen auferlegt, ire clagen, antwort vnnd was sich ein jeder zubehelffen, mit merern zuerleuttern, sich widerumben für herrn richter zustellen, vnnd beschaidts erwarttenn. Actum denn vierten april anno zwajwnndachzigist[en], 95. (I. 126.r.-126.v.) Auf fürkhumen Valtin Fleischhackhers, wid[er] Naigdt Michäln burger vnd hanndlßmann beede alhie, wegen das ime der schuldig vnnd nit bezalt werdenn khann, hat Naigdt Michal fürgeben, der clager vnd Simon Tschinckherl sein hanndtgesell, sein ime vmb zwen oxen so sy miteinander erkhaufft bey weitem ein merers schuldig, des clager aber nit bestendig, mit anzaigen sein mitgesell der Simon hab dieselben oxen khaufft vnnd nit er, so habe er auch dem Simon sein gepiernuß erlegt. Ist hiemit durch richter vnnd rath, zum beschaidt geben, es sollen beede thail ire gegen einannder habende sprich recht erleuttern, widerumben fürkhumen vnnd ornndentliches beschaidts erwartt. Actum denn vierten april anno [etc.] [15]82 ist[en], 96. (I. 126.V.-128.V.) An heüt dato, ist durch richter vnnd rath mit der ganzen gemain bewilligung, Thoman Schreckhenperger fleischhackh[er] vnnd burger zu Neusidl am See, das fleischhackhen alhie zu Hungerischen Altenburg, in beeden pengckh[en] dises zwayvnndachzigiste jar, der gestalt vnnd volgenndter massen gelassen word[en], 128
