Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
55. (I.90.r.) Denn sechstenn September anno ainvnndachtzigistenn, ist durch richter vnnd rath maister Hannsen paad[er] alhie, das leutgebenn gennzlichen verbot[en] vnnd eingesagt wordenn, das er sich des paadthauß wie es anndere gehalten, auch betragenn solle. Actum vt supra. 1581. szeptember 18. 56. (I. 90.r.-90.v.) Scallemy Tomasch so des hungerischenn riemers behausung erkhaufft, ist ann heut dato durch richter vnnd rath neb [en] dem ornndlich vnnd gebierundten glüb zum burger an vnnd aufgenumen worden. Actfum] denn achzehennden tag September anno ainvnndachzigistenn. 57. (I. 90.v.) An heut dato ist durch rieht [er] vnnd rath Lorennz Häberler ob dreißsigist ambts Verwalter alhie zu Hungerischenn Altenburg, so weillenndt Marzi Mathes gewesten burgers vnnd handlsmann behaußung daselbsten, durch heyrath desselbenn witfrauen an sich gebracht, mit laistung der gewendlich[en] gebier vnnd hultigung zum burger an vnnd aufgenumen wordenn. Actum denn 18. septemb[ris] anno [etc.] [15]81 ist[en]. 1581. szeptember 19. 58.(1. 90.V-92.V.) An heüt dato haben richter vnd rath vermüg vnnd inhalt gemainer stat freyhaitenn vnnd priuilegien, volgendte orndtnung zuhalten, vnnd also menigelichen zum wissen vnnd erinderung, damit mann sich darnach zurichten hette, anzuschlagen verlassen vnnd beschlossenn word[en]. Nemblich vnnd erstlichenn, so sollte khain außwendiger nichte es sei was es welle, bey verlierung desselben, vor abwerfFung des ornndlichen fahns khaufF[en]. Das erkhauffte trait, gersstenn, habern vnnd annderß dergleichenn, solle alles durch denn hierzue geschwornnen vnnd bestehen messer vleissig ab vnnd außgemessen werd[en]. Die so fisch herbringenn, solte ein jeder aufs wenigiste daruon für sechs schilling guette lebendige vnnd frische fisch auf denn marckht bringenn, bey verlierung desselben wagen mit fisch, vnnd wann einer ann denn fischen beschwerth, vnnd ime die vberbottenn wuerdenn, so mag einer die od[er] denn selben fisch, zum ornndlich benantfen] marckhtrichter tragen wegen lassenn, vnnd nach dem phundt außzallen wie iezt volget. Khörpffenn ain phundt per vier phening hungferisch], Hähtenn ain phundt per, funff phennig hunger[isch]. Schaiden ain phundt peer vier phennig hungferisch], Bratfisch ain phundt peer vier phenning hungerisch. 116
