Győri Tanulmányok - Tudományos Szemle 17/1996 (Győr, 1996)
Federmayer István: Adalékok Révai Miklós győri éveihez
Quare ego resolui me amore Patriae, ad istam Nouorum Scriptionem, per me praecipue curandam, scribendamque, et ea quidem ratione, vt ii fines propositi tanto facilius obtinerentur. Primum taxam minorem figerem, octo florenis aliquanto ampliorem, vtpote duos áureos a singulis Praenumerantibus annue deponendos. Hi deinde tanto etiam facilius possent in Litteris Postae beneficio transmitti. Et tarnen praeterea Noualia fusius etiam, quam antea, scriberentur, semper in vna integra phylira: vt demum collectione facta per annum quatuor Tomulos efficerent. Et charta, typusque ad ea imprimenda multo adhiberetur nitidior, characterque aliquanto maior, vt a Senioribus quoque commode legi posset. Cum adiuncto autem vno adhuc Socio ea scriberem, vel, si necesse esset, praesertim successu temporis, etiam cum pluribus, iisque semper meo arbitrio suscipiendis, amouendisque, prout eorum aptitudo, et industria esset futura: qui praeter salarium fixe ponendum aliquanta etiam lucri puri parte certo definienda subleuarentur. Ea autem praeterea magnanimitate, nobilique indole, proposui hoc munus administrare: vt lucrum purum inde natum non maneret solum inter nos Nouorum Scriptores; verum, nostri tarnen maiori habita ratione, qui potissimum elaboramus in hoc primo, et praecipuo Fundo, alii etiam Socii de Lingua Patria aliquo luculentiore Sripto edito praeclare meriti, pro stimulo ad Linguam Patriam magis illustrandam, ex eo prouentu certam aliquam minorem partem caperent. Hi etiam deberent nos quandoque adiuuare, partim rerum nouarum, partim suorum quoque laborum suppeditatione. II. Ad quam rem accedente praesertim Benigno Consensu Regio, summa spes est, fore, vt sponte sua secundus enasceretur Fundus. Regni Magnates, Praenobiles, Ciuesque alii ampliore facúltate potentes, apud quos magnus est Linguae Patriae et amor, et pretium, ad fouendam, promouendamque hanc rem tarn laudabilem, tarn vtilem, diuque a plurimis optatam, continuo ipsi vitro quam libentissime, praeter frequentiorem Praenumerationem ad Noualia faciendam, pro sua quisque liberalitate, vt cuique collibitum esset, alii minus, alii abundantius conferrent. Et sane nunc Fundum tanto etiam esse magis augendum spero, quod Noualia, vtut copiosus sum scripturus, semper in vna phylira, tarnen eorum taxam multo minorem fixerim. Siquidem malim me Patronorum liberalitati committere, quam ampliore exactione etiam ceteros Praenumerantes deterrere, itaque finem huic Societati praefixum in vulgo impediré, cui alioqui et aliae domesticae sunt necessitates satis et graues, et copiosae. Et siquidem haec massa praecipue ob earn rem donaretur, vt haec Societas Culturae Linguae Hungaricae maiori quodam fulcro sustineri posset: ideo etiam,
