Győri Tanulmányok - Tudományos Szemle 17/1996 (Győr, 1996)

Federmayer István: Adalékok Révai Miklós győri éveihez

Fundus autem prorsus esset innocens ex triplici fönte profluens : praecipue autem ex Nouorum Scriptione, deinde ex Magnifica Potentiorum Ciuium Collatione, et ex Typographia propria. Socii essent triplicis ordinis. Primi dicerentur Membra Magnifica; Viri illustri genere vel ampliore fortuna, ac dignitate conspicui, qui sine omni spe proemii, vnice amore boni communis, proque gloria collaborarent. Deinde sequerentur Membra Meritissima, Viri tenuiore fortuna, qui ex prouentibus Societatis partem quandam caperent instar subsidii. Demum essent et Membra Honoraria, itidem Viri tenuiore fortuna, qui praenotarentur ad accipiendum Societatis beneficium, si quis ex Membris Meritissimis decederet. Haberet haec Societas suum Secretarium, qui cum vno, vel pluribus Sociis Adjunctis, praecipue Noua scriberet, Typographiam dirigeret, Prouentusque perciperet, ac distribueret, praeter alias litterarias Societatis occupationes. Haec Societas praeter illud subsidium, quod annue Membris Meritissimis daret, quotannis proponeret etiam certam summam pecuniae instar proemii ad diligentiam Scriptorum magis excitandam, expósita quadam quaestione vtili, vel opere aliquo insigni. Tres primi proemium illud acciperent inter se iusta proportione diuidendum. Praeter Benignum Consensum Regium, quo se haec Societas fulciri desiderat, supplicat etiam pro quibusdam Altissimis Gratiis. Vt huius Societatis Promulgatio per vniuersum Regnum facienda Postae libero beneficio institui possit, veluti iam pars quaedam prodroma Noualium. Vt et Calendariolum illud, cui quotannis insereretur a Secretario Prouentuum perceptio, ac distributio, vt singuli Praenumerantes, ac Membra cetera videant rem integra fide geri, itidem Postae libero beneficio dispergi possit, veluti appendix Noualium. Vt haec Societas quandam Censuram Librorum habere possit penes Membra Magnifica, saltern Hungaricorum, praecipue in Typographia propria imprimendorum. Vt Sigillo proprio uti possit etiam ad inuolucra Noualium in Expeditura sua domestica diligentius obfirmanda, quo tandem querelae Praenumerantium sedarentur, quorum nunc Noualia intermedio cursu diu nine atque inde detinentur pro lectione, ac saepe etiam pereunt. Vt Postae Officialibus mitius Honorarium teneatur dare, ne maioris taxae exactione bonum commune, quod hac Nouorum scriptione praecipue intenditur, iterum impediatur.