Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)

Oklevelek

5

10

15

20

25

30

35

40

96

Oklevelek

1458

625.

1458. október 21. — A pannonhalmi konvent jelenti Ország Mihály nádornak, hogy Pál csornai prépost panaszát a győri káptalan nagynyúli jobbágyainak és Erdélyi István kanonoknak hatalmaskodásairól, valamint hogy a győri káptalan Szutor birtokát a csornai konvent tiltakozása ellenére éli, igaznak tudta meg.

Papír, hátán zárópecsét nyoma. Csornai konv. mit. 40 III 4/13 (Sopron 5481) (DF 265092) — Külzet: Domino palatino. Pro honorabilibus et religiosis dominis, fratribus Paulo preposito et conventu ecclesie de Chorna contra honorabile capitulum ecclesie Iawriensis et alium intrascriptum ad octavas festi Epiphaniarum Domini nunc venturas inquisicionis, ammonicionis, evocacionis et insinuacionis reláció.

Magnifico domino, Michaeli Orzagh de Gwth regni Hungarie palatino et iudici Comanorum, domino ipsorum honorando conventus monasterii Sancti Martini Sacrimontis Pannonie oracionum suffragia devotarum. Vestra noverit magnificencia {quod} nos litteras vestras inquisitorias, amonitorias, evocatorias et insinuatorias nobis preceptorie loquentes sumpma cum reverenda recepisse in hec verba:

Amicis suis reverendis, conventui ecclesie Sancti Martini Sacrimontis Pannonie Michael Orzagh de Gwth regni Hungarie palatinus et iudex Comanorum amiciciam paratam cum honore. Dicitur nobis in personis religiosorum dominorum, fratrum Pauli prepositi et conventus ecclesie de Chorna, quomodo hiis proxime evolutis diebus Dominicus et Laurencius dicti Chwkaz ac Valentinus et Brictius dicti Was, iobagiones honorabilis capituli ecclesie Iauriensis in porcione eiusdem possessionaria NagNywl vocata commorantes ex consensu, voluntate ac permissione dominorum de eodem capitulo manibus armatis ad promontorium vinearum dictorum exponencium veniendo, ubi Gregorium de Zenthgyergh familiarem ipsorum exponencium pro custodia dicti montis vinearum accedentem invadendo ac plures ictus sagittarum in eum emittendo et eundem inter vineas et vites hincinde circumfugando multa dampna ex ipsis vineis et vitibus fecissent, et tandem Gregorium de Zenthgyergh ibidem interimere voluissent, nisi fuge presidio idem evadere valuisset. Insuper honorabilis dominus Stephanus Erdly dictus, canonicus dicte ecclesie Iawriensis similiter ex consensu et voluntate dictorum dominorum de capitulo Iawriensi manibus armatis super quosdam iobagiones ipsorum exponencium, puta Martinum, Benedictum et Blasium de Zwthor in possessione ipsorum exponencium Barathy vocata residentes irruendo ac eosdem iobagiones ipsorum vineas vindemiantes tensa balista ac emissione unius sagitte interficere voluisset, si iidem se defendere non valuissent, preterea, licet alias idem capitulum ecclesie Iawriensis quodam acquisito titulo in dominium predicti predii Zwthor appellati se introduci et statui facere voluisset, in personaque predictorum conventus et prepositi ecclesie de Chorna, necnon quorundam aliorum huiusmodi statucioni contradictionis velamine obviatum extitisset, tamen idem capitulum non obstante huiusmodi contradictione se in plenum dominium et possessionem dicti predii Zwthor intromittendo omnes proventus et utilitates tam vinorum, quam frugum predio de eodem provenire solitos a tempore dicte contradictionis, inhibicionis, sta-