Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Oklevelek
5 10 15 20 25 30 35 40 80 Oklevelek 1457 113 (29195) (DF 273970); Csornai konv. hh. It.: Copiae litterarum 1199-1524. 508-512. (Sopron 5640) (DF 286775). (C)onventus monasterii Sancti Martini Sacrimontis Pannonie omnibus Christi fidelibus, presentibus pariter et futuris, presencium noticiam habituris salutem in omnium Salvatore. Ad universorum tam presencium, quam futurorum noticiam harum serie volumus pervenire, quod venerabilis dominus Michael lector et canonicus ecclesie Iauriensis reverendique in Christo patris et domini, domini Augustini Dei et apostolice sedis gracia episcopi ecclesie Iauriensis locique eiusdem comitis perpetui vicarius in spiritualibus generalis in sua ac tocius capituli iam dicte ecclesie Iauriensis nominibus et in personis ad nostram veniendo presenciam exhibuit nobis quasdam litteras privilegiales serenissimi principis et domini nostri, domini Ladislai Dei gracia Hungarie, Bohemie, Dalmacie, Croacie etc. regis Austrieque et Stirie ducis, necnon marchionis Moravie ad propriam suam commissionem emanatas, sub suo maiori sigillo confectas petens nos debita cum instancia, ut easdem de verbo ad verbum sine diminucione et augmento aliquali transcribi et transsumpmi tenoremque earundem presentibus litteris nostris similiter privilegialibus inserendo eidem capitulo dare dignaremur ad cautelam iuris uberiorem, quarum tenor is est: Nos Ladislaus Dei gracia Hungarie, Bohemie, Dalmacie, Croacie etc. rex ac Austrie et Stirie dux, necnon marchio Moravie etc. memorie commendando tenore presencium significamus, quibus expedit, universis, quod nostre maiestatis veniendo in presenciam fideles nostri devoti Georgius Fogol de Ratispana prepositus kathedralis ecclesie Iauriensis ac Matheus prepositus ecclesie Sancti Salvatoris de Papwcz, Iohannes de Otting decretorum doctor, archidiaconus Soproniensis, Anthonius de Papa archidiaconus de Rabakewz et Michael de Baych canonici prefate ecclesie Iauriensis, necnon magister Mathias de Roytha eiusdem Iauriensis ac Waciensis et Quinqueecclesiensis ecclesiarum canonicus notariusque specialis cancellarie regie nostre maiestatis in suis ceterorumque universorum fratrum et concanonicorum ipsorum ac tocius capituli eiusdem ecclesie Iauriensis nominibus et in personis exhibuerunt et presentarunt nobis quasdam litteras privilegiales olym serenissimi principis, domini Karoli Hungarie etc. regis, nostri predecessoris eius maiori novo dupplici autentico sigillo, quo ut rex Hungarie usus est, communitas, tenorem cuiusdam privilegii condam illustrissimi principis, domini Ladislai similiter Hungarie etc. regis confirmatas, series litterarum eiusdem domini Ladislai regis, quibus mediantibus idem certas libertates et gráciám hospitibus super terra prefati capituli ecclesie Iauriensis ante castrum Iauriense commorantibus ac aliis eiusdem capituli, cuiuscunque condicionis existant, hominibus in perpetuum graciose concessisse et fecisse dinoscitur, confirmative in se habentes, tenoris infrascripti supplicaruntque maiestati nostre antefati Georgius et Matheus prepositi et alii canonici supradicti nominibus et in personis, quorum supra, humili precum cum instancia, ut easdem litteras quoad omnes earundem continencias, clausulas et articulos ratas, gratas et acceptas habendo nostrisque litteris privilegialibus verbotenus inscribi faciendo pro eisdem capitulo et canonicis prefate ecclesie Iauriensis, presentibus scilicet et futuris universis innovantes, perpetuo valituras confirmare dignaremur, quarum quidem litterarum continencia sequitur in hec verba:
