Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Oklevelek
5 10 15 20 25 30 35 40 1455 Oklevelek 67 serenitatis nobis directas noveritis nos sumpma cum obediencia recepisse in hec verba: Ladislaus Dei gracia Hungarie, Bohemie, Dalmacie, Croacie etc. rex Austrieque et Stirie dux, necnon marchio Moravie fidelibus nostris, conventui ecclesie Sancti Martini Sacrimontis Pannonie salutem et gráciám. Dicitur nobis in personis religiosorum virorum, fratris Pauli prepositi et conventus ecclesie Beati Michaelis archangeli de Chorna, quomodo egregius Martinus dictus Barocz de Iaar in anno proxime transacto cum quibusdam suis complicibus et familiaribus in possessione eorundem prepositi et conventus Zegye vocata descendendo certam quantitatem avene in domo villici prescripte possessionis pro usu equorum eorundem exponendum repositam propria vi et auctoritate sine omni solucione pecuniaria domo de predicta excipiendo usui equorum ipsorum exposuissent, ymmo ipsum villicum ibidem plurimis verbis illicitis et vituperiosis pertractasset; et quod Nicolaus similiter Barocz dictus de Iaar predicta tempore autumpni noviter elapsi modo simili cum quibusdam suis familiaribus in dicta possessione descendendo et ad domum et curiam Gregorii dicti Baych, iobagionis ipsorum exponencium in eadem Zegye commorantis manibus armatis et potenciariis irruendo eundem ibidem graviter verberasset culpa sua sine omni, ymmo si se defensare non valuisset, ibidem interimere voluisset potencia mediante in preiudicium antefatorum exponencium et dampnum valde magnum. Super quo fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Gregorius vel Petrus de Koromzo aut Valentinus de Inese seu Sebastianus de Baach sin Andreas sive Valentinus de Zap neve Valentinus de Damonya ceu Gregorius vel Iohannes de Pothyond aut Ladislaus vel Nicolaus de Wadasfalwa aliis absentibus homo noster de curia nostra regia ad id specialiter deputatus ab omnibus, quibus incumbit, meram de premissis experiatur certitudinis veritatem, quam tandem nostre speciali presencie fideliter rescribatis. Datum Vyenne, sabbato proximo ante dominicam Ramispalmarum, anno Domini millesimo quadringentesimo quinquagesimo quinto. Unde nos mandatis vestre excellende obedire cupientes, ut tenemur, una cum prefato Valentino de Inese homine vestro unum ex nobis, videlicet fratrem Nicolaum presbiterum ad premissam inquisicionem faciendam nostro pro testimonio fidedignum duximus transmittendum, qui tandem ad nos exinde reversi nobis concorditer retulerunt, quod ipsi feria secunda proxima ante festum Sancti Georgii martiris proxime preteritum in comitatu Iauriensi procedendo ab omnibus, quibus decuisset et licuisset, nobilibus videlicet et ignobilibus ac alterius cuiusvis status et condicionis eiusdem comitatus hominibus palam et occulte diligenter inquirendo omnia premissa et quevis premissorum singula sic et eatenus facta et perpetrata fuisse rescivissent, prout vestre serenitati dictum extitisset et quemadmodum tenor litterarum vestrarum per omnia continet prescriptarum. Datum sexto die diei inquisicionis prenotate, anno Domini supradicto. 27-29 sabbato... ] 1455. márc. 29. 34-35 feria secunda... ] 1455. ápr. 21. 40-41 sexto die... ] 1455. ápr. 26.
