Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Oklevelek
5 10 15 20 25 30 35 34 Oklevelek 1448 Et post hec huiusmodi recaptivacionis, statucionis et evocacionis seriem cum evocatorum, si qui fuerint, ac vicinorum et commetaneorum, qui premisse statucioni et recaptivacioni intererunt, nominibus terminoque assignato nobis suo modo rescribatis. Datum Zegedini, feria secunda proxima post festum Concepcionis Beate Marie Virginis, anno Domini millesimo quadringentesimo quadragesimo octavo. Unde nos vestris commissionibus in omnibus obedire cupientes, ut tenemur, una cum prefato Iosa de Hal homine vestro per vos de curia regia ad id deputato et transmisso nostrum hominem, videlicet dominum fratrem Valentinum custodem dicti monasterii nostri ad infrascriptas recaptivacionem et statucionem faciendas duximus transmittendos, qui tandem ad nos exinde reversi nobis concorditer retulerunt, quod prefatus homo vester presente dicto nostro testimonio feria quinta proxima ante festum Beati Thome apostoli proxime preteritum ad faciem dicte porcionis possessionarie in dicta possessione Sebes vocata habite vicinis et commetaneis eiusdem universis et signanter Iohanne filio Georgii, Petro et Gregorio de Karomzo inibi legittime convocatis et presentibus accessissent, et cum prefatam porcionem possessionariam nomine iuris dicti capituli recaptivare et eandem eidem premisso iuris titulo ipsi incumbenti perpetuo possidendam statuere voluisset, tunc Pethew filius Petri filii Nicolai de Merges et domina relicta prefati condam Clementis Baczar, necnon Ladislaus dictus Cheh familiares reverendi patris domini Augustini episcopi ecclesie Iauriensis nomine et in persona eiusdem huiusmodi recaptivacioni et statucioni contradixissent, ideo idem homo vester presente dicto nostro testimonio eodem die predictos Pethew filium Petri, dominam relictam Clementis Baczar [...] Augustinum episcopum Iauriensem ad octavas festi Epiphaniarum Domini proxime venturas contra predictum capitulum ecclesie Iauriensis vestram in presenciam evocasset. Retulerunt insuper predicti vester et noster homines, quomodo ipsa die recaptivacionis et statucionis ipsos, scilicet vestrum et nostrum homines dominosque prepositum kathedralem, Stephanum Mosoniensem et Ladislaum Komaroniensem archidiaconos, canonicos dicte ecclesie Iauriensis, qui premisse statucioni et recaptivacioni nomine eiusdem capituli interfuissent, multis et mirabilibus verbis illicitis et turpibus dehonestasset manu armata et complicibus circumvallatus illuc adveniendo, insuper idem Pethew filius Petri iobagiones eiusdem capituli, qui dictis dominis de capitulo Iauriensi victualia ad ipsam possessionem Sebes apportassent familiaresque eorundem dominorum cum ipsis ibidem existentes morte et interempcione ac membrorum mutillacionibus minatus fuisset. Datum sexto die diei execucionis premisse, anno Domini supradicto. 4-5 feria secunda... ] 1448. dec. 9. 11-12 feria quinta... ] 1448. dec. 19. 15-16 prefatam] Utána kihúzva: capitulum. 23—24 ad octavas... ] 1449. jan. 13. 35 sexto die... ] 1448. dec. 24.
