Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)

Oklevelek

5

10

15

20

25

30

35

40

1448

Oklevelek

31

Reverendissimis prelatis, magnificis baronibus, nobilibus et proceribus regni Hungarie universis conventus ecclesie Sancti Martini Sacrimontis Panonie oraciones in Domino debitas. Litteras vestras inquisitoriales nobis directas noveritis nos honore cum summo recepisse in hec verba:

Prelati, barones, nobiles et proceres regni Hungarie universi conventui ecclesie Sancti Martini Sacrimontis Panonie salutem et favorem. Dicitur nobis in personis religiosi viri, domini fratris Michaelis abbatis ecclesie Sancti Mauricii de Bell et conventus loci eiusdem, quomodo honorabiles viri, magister Benedictus de Wthmes, Sabestianus de Rada ac Stephanus de Alba canonici ecclesie Albensis decimatoresque vinorum in possessione Nagfyle vocata, per ipsum capitulum Albense constituti ac Matheus Magnus de Alba, officialis venerabilis domini Nicolai Bodo prepositi ecclesie eiusdem in possessione sua Kysfile vocata constitutus una cum Iohanne fratre magistri Sebestiani, Georgio Captarus, Sabestiano Zenthiwani, Gregorio Chened, Stephano Chenezy, Gallo Chondor, Paulo Suran, Georgio Kwende, Benedicto, Iacobo et Paulo Zarka iobagionibus antefatorum dominorum Nicolai prepositi et capituli dicte ecclesie Albensis in dictis possessionibus Nagfyle et Kysfile commorantibus feria tercia proxima ante festum Beati Francisci confessoris novissime elapsum ex preconcepta rancoris malicia ad porcionem possessionariam dicti domini abbatis et conventus in possessione Balathonfekayar, in comitatu Wesprimiensi existentem consequenterque domum et curiam eiusdem domini abbatis in eadem habitam manibus armatis tractis balistris irruendo, abinde duos bonos equos stellatos, necnon quam plurima bona et res tam domini abbatis, quam et suorum familiarium inibi existencium prorsus et omnino auferri et, quo eorum placuisset voluntati, asportari fecissent potencia mediante in preiudicium domini abbatis et conventus dampnumque valde magnum. Super quo devocioni vestre harum serie committimus, quatenus vestrum mittatis hominem pro testimonio fidedignum, quo presente Benedictus filius Iohannis de Thengred vel Stephanus de Chigle sive Gregorius filius Michaelis de Leanfalva aliis absentibus homo noster scita veritate premissorum ab omnibus, quibus incumbit, meram de premissis experiat veritatem, quam tandem nobis suo modo rescribatis. Datum Wacye, in magna festivitate Omnium Sanctorum, anno Domini M° CCCCmo quadragesimo septimo.

Unde nos vestris dictis obedire volentes, ut tenemur, una cum Stephano de Chigle homine vestro nostrum hominem, videlicet fratrem Petrum sacerdotem, unum ex nobis ad premissa peragenda nostro pro testimonio transmisimus fidedignum, qui tandem exinde ad nos reversi nobis concorditer retulerunt, quod ipsi feria tercia proxima post festum Epiphanie Domini proxime preteritum in comitatu Wesprimiensi simul procedendo ab omnibus, a nobilibus et ignobilibus eiusdem comitatus Wesprimiensis hominibus, a quibus decuisset et licuisset, pallam et oculte diligenter de premissis investigando talem scivissent veritatem, sicut vobis dictum extitisset et prout tenor litterarum vestrarum contineret predictarum. Datum decimo die diei inquisicionis antedicte, anno Domini supradicto.

17-18 feria tercia... ] 1447. okt. 3. 18 preconcepta) perconcepta 30-32 in magna festivitate... j 1447. nov. 1. 37 feria tercia... ] 1448. jan. 9. 38 omnibus) Utána kihúzva: a

quibus decuisset et licuisset, pallam et. 42 decimo die... ] 1448. jan. 18.