Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Oklevelek
5 10 15 20 25 30 35 40 250 Oklevelek 1483 Conventus monasterii Sancti Martini Sacrimontis Pannonie omnibus Christi fidelibus presentibus et futuris, presens scriptum inspecturis salutem in salutis largitore. Ad universorum tam presencium, quam futurorum noticiam harum serie volumus pervenire, quod nos litteras serenissimi principis et domini, domini Mathie Dei gracia regis Hungarie, Bohemie etc., domini nostri graciosissimi introductorias et statutorias, pro parte reverendi domini Urbani electi et confirmati ecclesie Iauriensis et thezaurarii regie maiestatis ac egregiorum Blasii et Iohannis de Naghlwche, fratrum eiusdem carnalium datas et emanatas nobis directas honore, quo decuit, recepimus in hec verba: Mathias Dei gracia rex Hungarie, Bohemie etc. fidelibus nostris, conventui ecclesie Sancti Martini Sacrimontis Pannonie salutem et gráciám. Dicitur nobis in personis fidelium nostrorum, reverendi domini Urbani electi et confirmati ecclesie Iauriensis, thezaurarii nostre maiestatis ac egregiorum Blasii et Iohannis de Naghlwche, fratrum eiusdem carnalium, quomodo ipsi in dominium totalis possessionis Radwan vocate, in comitatu Iauriensi habite ac directe et equalis medietatis silve Kalach vocate, intra veras metas possessionis Zap nuncupate, in eodem comitatu Iauriensi existentis adiacentis, ipsos ex fassione et perhennali donacione et collacione magnificorum Pauli filii condam Georgii, necnon Nicolai filii condam Laurencii palatini de Hedrehwara ac egregii Osvaldi de eadem Hedrehwara superinde coram nostra personali presencia facta et eciam alias certo iuris titulo concernencium legittime vellent introire. Super quo fidelitati vestre firmiter precipiendo mandamus, quatinus vestrum mittatis hominem pro testimonio fidedignum, quo presente Iohannes de Pecz vel Georgius Haly de eadem aut Georgius de Ewrken sin Martinus de eadem seu Paulus de Enese sive Simon de Chathar neve Michael de Marczalthew an Michael Patha de Malonsok aliis absentibus homo noster ad facies dictarum totalis possessionis Radwan ac directe medietatis silve Kalach vicinis et commetaneis earundem universis inibi legittime convocatis et presentibus accedendo introducat memoratos dominum Urbanum electum et confirmatum ac Blasium et Iohannem de Naghlwche in dominium earundem totalis possessionis et directe medietatis silve Kalach statuatque easdem eisdem simul cum cunctis ipsarum utilitatibus et pertinenciis quibuslibet iure premisso ipsis incumbenti perpetuo possidendas, si non fuerit contradictum, contradictores vero, si qui fuerint, evocet eosdem contra annotatos dominum Urbanum electum et confirmatum ac Blasium et Iohannem de dicta Naghlwche nostram personalem in presenciam ad terminum competentem racionem contradictionis eorum reddituros. Et post hec huiusmodi introductionis et statucionis seriem cum contradictorum et evocatorum, si qui fuerint, vicinorumque et commetaneorum, qui premisse statucioni intererunt, nominibus terminoque assignato eidem nostre personali presencie fideliter rescribatis. Datum Bude, feria tercia proxima post dominicam Iudica, anno Domini millesimo quadringentesimo octuagesimo tercio. Nos itaque mandatis dicti domini nostri regis in omnibus obedire cupientes, uti tenemur, una cum prenominato Georgio Haly de Pecz homine ipsius domini nostri regis nostrum hominem, videlicet religiosum fratrem Emericum, sacerdotem nostrum conventualem ad premissam statucionem faciendam nostro pro te- 38-40 feria tercia... ] 1483. márc. 18.
