Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Oklevelek
5 10 15 20 25 30 35 1471 Oklevelek 165 idem Iohannes Sartor dicto domino Thome ab eodem domo in conductionem viginti solvat florenos auri, quorum medietatem in festo Purificacionis Marie Virginis proxime futuro, aliam vero medietatem ultimo die mensis Iulii, id est in profesto festi Beati Petri apostoli Ad vincula similiter proxime futuro solvere teneatur et si quam istarum solucionum facere non possit, nollet vel non curaret, statim termino lapso in dupplum solvendorum florenorum convincatur ipso facto, isto denique declarato, quod idem dominus Thomas in predicta domo Iohannis Sartoris obligata unam cameram supra coquinam cum parva testitudine prope illam cameram, que stubella parabitur, et cum orto et unde calefit, cum parte celarii decem vasorum vini et stabuli trium equorum conservandi sibi vel cui vellet reservavit inhabitandi potestatis facultatem, et si contigeret illarum inhabitacio, ut premittitur, tunc non plus, nisi decem et octo florenos de illa domo solvatur per dictum Iohannem et heredes suos, quorum restitucio fiat, ut supra dictum est. Pena adiecta hoc denique non pretermisso, quod si aliquando prefatos ducentos florenos ipse dominus Thomas vel ille vel illi, cui vel quibus in vita vel morte donaret, repeteret ipsi Iohanni, hoc prius ante duos menses coram probis notificet et si idem Iohannes ad terminum per dictum dominum Thomam prefixum non restitueret, nollet vel non possit aut non curaret quoquo modo, extunc lapso termino dictorum duorum mensium Iohannes ipse totam domum suam ipsi domino Thome liberam sine omni contradictione dimittat et eam exeat ad eiusdem domini prepositi voluntatem et ipse dominus Thomas plenam habeat illam domum cuicunque vellet tradere, locare et eciam in perpetuum vendere irrevocabiliter, suam pecuniam excipere et superfluum, quibus vendi possit, ipsi Iohanni restituere potestatis facultatem, denique si aliquod impedimentum ipse Iohannes in hac re prestaret aliquo modo, in iudicium ecclesiasticum trahi possit, cui se submisit, et si aliquas expensas super domo ipsa vel in parte aliqua ipsum dictum Thomam facere contingat, illas idem Iohannes ipsi domino Thome restituere, necnon eundem interim semper in pacifico dominio eiusdem domus ab omnibus impetitoribus propriis suis laboribus et expensis tueri et defensare promisit et si quoquo modo hoc facere non possit, extunc vineas suas et omnes alias hereditates, bona mobilia et immobilia sua, quibuscunque nominibus vocitentur, loco domus ipsi domino Thome et suis fratribus obligavit, illas hereditates res et bona eciam propria auctoritate solum vigore litterarum istarum ipse dominus Thomas ubicunque habitas et repperta auferendo habeat potestatem, ad que omnia et quevis premissorum singula idem Iohannes Sartor se obligavit coram nobis harum litterarum nostrarum vigore et testimonio mediante. Datum in festo Ad vincula Beati Petri apostoli, anno Domini millesimo quadringentesimo septuagesimo primo. 2-3 in festo... ] febr. 2. 3-4 ultimo die... ] júl. 31. 36-37 in festo... ] 1471. aug. 1.
